Home Notisia SEA Halo Inspesaun Ba Konstrusaun ETO Tower Relasiona Ho Lisensiamentu Ambientál

SEA Halo Inspesaun Ba Konstrusaun ETO Tower Relasiona Ho Lisensiamentu Ambientál

200
0
Edifisiu Konstrusaun ETO Tower. [Foto: Joselina | 01.07.2021]

Reportajen Joselina dos Santos

Sekretáriu Estadu Ambiente (SEA), Demetrio do Amaral de Carvalho ho Ajénsia Nasionál da Lisensiamentu Ambientál  halo avaliasaun no inspesaun edifisiu  ETO Tower iha loron 01/06, Colmera

Hafoin halo inspesaun Sekretariu Estadu Ambiente ba jornalista sira informa katak Eto Construction hanesan sentru komersiál ne’ebe estratéjiku iha sidade Dili. ETO rasik prosede husu lisensa ambientál. Tanba ne’e  SEA hela avaliasaun tempu badak,  inisiu iha fulan ne’e nia laran atu kompleta avaliasaun no prominoriu sira ne’ebe ami halo, atu ajusta komentáriu tékniku sira ne’ebé sei hasai, hodi nune’e bele ajuda empreza halo mitigasaun ba problema ambientál sira ne’ebe posivel mosu iha futuru no mós estratéjia ba jestaun ambiente futuru ne’ebé di’ak liu.

“Emprinsipiu haree jeralmente komponente ambiente iha dokumentu ne’ebe sira submete, sira esplika barameter lubuk ida ne’ebé sira sei halo husi tratamentu liquido  ho solido husi edifísiu ninian, sira sei instala Solar Panel uluk atu ajuda luminasaun durante  tempu ne’ebé sira presiza, karik test 15% sira ne’e kontribuisaun di’ak ba ambiente”, dehan Sekretariu Estadu Demetrio iha Colmera.

Nia afirma lisensa ambientál ne’e bele dehan la’os atu garante zero impaktu ba ambiente, lisensa ambientál ne’e halo previzaun ida posibilidade ba impaktu ambientál saida maka atu mosu, no rekomendasaun estratéjia ba mitigasaun ne’ebe mak importante.

Husi sira  nia observasaun dokumentu ne’ebe submete husi konsultan ne’ebé kontrata husi ETO Construction, katak tuir ona kritériu hodi hetan lisensa ambiental

Iha Fatin hanesan nain ba  ETO Construction, Nilton Gusmao haktuir primeiru konstrusaun to’o ona iha 70% iha médiu, estrutura nian prosesu la’o neineik tanba  sei iha  situasaun Pandemia COVID-19, maibé sira nafatin halo preventivu atu halo investimentu ne’e to’o rohan, tanba ida ne’e parte husi kompeténsia  sira nian atu bele loke kampu de serbisu atu kontribui dezenvolvimentu ekonomia iha rai laran.

“Obra ida ne’e sai mos hanesan edifísiu ida iha ita nia rai, para hamosu espasu komersiál iha ita nian rai, kuandu Ministériu Estranjeiru ruma mai karik fó espasu para atu serbisu, atu aluga hodi hela atu halo investimentu iha ita nia rai,” dehan Nilton.

Print Friendly, PDF & Email

LEAVE A REPLY

Please enter your comment!
Please enter your name here