Reportajen Francisco JDA
Relasiona ho akontesimentu karreta vascolante ida ne’ebé baku fila iha Munisípiu Ermera, Suku Talimoro Aldeia Buro, rezulta ema na’in 7 kanek todan no ida mate tanba kondisaun karreta ne’ebé la estavel no travaun la metin
Jornalista Neon Metin konfirma kedan Komandante PNTL Munisípiu Ermera, Ludgerio Lay liu hosi via telefone informa katak, asidente vascolante baku fila ne’e hafoun grupu ida hosi Ermera, atu ba tula ai-maran iha Same atu fila fali ba Ermera, tanba kondisaun karreta la estavel no travaun la han entaun rezulta karreta ne’e baku iha oras tuku 06.00 kalan.
“Karreta ne’e baku fila ema iha laran kuaze ema na’in 10, inklui Padre no motorista, entaun akontesimentu ne’e ema na’in 7 kanek todan no daudaun ne’e vitima sira iha ona Ospital Nasionál Guido Valadares, nune’e ohin dader rona fali dehan 1 mak la konsege salva,” hatete Komandante PNTL Munisípiu Ermera Ludgerio Lay liu hosi via telefone.
Komandante PNTL Munisípiu Ermera ne’e realsa tan, daudaun ne’e Komandu PNTL Munisípiu Ermera halo ona identifikasaun, ba karreta na’in no vitima sira, maibé tanba vítima mane ida kanek todan no labele salva, no hakotu iis iha Ospital Nasionál Guido Valadares.
