Home Notisia ASSEPPOL ho CNC Asina Nota de Entedimentu, Tuir Rekomendasaun CAVR no CVA

ASSEPPOL ho CNC Asina Nota de Entedimentu, Tuir Rekomendasaun CAVR no CVA

82
0
ASSEPPOL ho CNC Asina Nota de Entedimentu. [Foto: Francisco JDA | 19.03.2020]

Reportazen Francisco JDA

Centro Nasional Chega! [CNC] ho Asosiasaun eis Prisioneiros Politikus [ASSEPPOL] asina Nota de Entedimentu iha ambitu fortalesimentu instituisional, ho objetivu atu implemeta atividade sira ne’ebe haktuir iha rekomendasaun Chega, hosi Comissão de Acolhimento, Verdade e Reconciliação de Timor Leste [CAVR] no Comissao Verdade no Amizade [CVA], ne’ebe hare liu ba sobrevivente sira,  oinsa bele servisu hamutuk no kompleta malu liu hosi solidariedade  ba sobrevivente sira, liu-liu servisu advokasia no asistensia ba eis Prisioneiro politiku sira, hodi kontribui ba harii futuru nakonu ho paz no dame.

Presidente Interino CNC, Arlindo Marcal iha diskursu hatete, CNC halo nafatin kooperasaun ho parseiro sira ne’ebe relevante, hodi asegura sobrevivente sira hosi konflitu iha pasadu, nune’e bele hetan asistensia ho kualidade hosi governu.

“Kooperasaun servisu ida ne’e hakarak introduz mos programa politiku hakbiit sobrevivente vulneravel, ne’ebe hakarak asegura identifikasaun lolos ba sobrevivente vulneravel sira. Servisu hirak ne’e hahu ona iha tinan kotuk, ho parseiro sira hodi estabelese baze de dadus, sei tulun no identifika no klasifika sobrevivente sira, hodi fasilita governu nia asistensia ba sobrevivente sira”, tenik Presidente CNC Interinu Arlido Marcal, Iha salaun CNC balide, 19/03

Arlido Marcal  esplika liu tan, CNC fiar katak asina Nota de Entedimentu ho ASSEPPOL,  sei tulun Centro Chega hodi realiza nia servisu prinsipal hanesan fo apoi ba malu, hodi asegura implemetasaun rekomendasaun Chega ne’ebe hetan violasaun direitus umanu iha konflitu Pasadu

Entertantu Koordenador  ASSEPPOL, Jacinto Alves ba jornalista sira hatete kooperasaun ida ne’e ho intesaun atu hari’i sekretariadu ida,  iha tempu badak nia laran nune’e sekretaridu ne’e atu funsiona no hetan fasilidade mai hosi CNC .

Nudar eiz prizoneiru mos hateten  eis Prisioneiro politiku laos Vitima, maibe Kombantente, nia luta tanba konsensia no fiar ida mak suporta nia, hodi sustenta luta durante tinan hirak nia laran tama sai kadeia, maibe buat hotu ba prisioneiro sira Estadu hatur ona, iha Comisaun homenagen, iha pensaun ba kombantentes no veteranu sira.

LEAVE A REPLY

Please enter your comment!
Please enter your name here