Home Notisia Taka Aero Portu no Fronteira Tanba COVID 19, David: Povu Sei La...

Taka Aero Portu no Fronteira Tanba COVID 19, David: Povu Sei La Mate Hamlaha

894
0
Deputadu FRETILIN David Dias Ximenes. [Foto: Copyright media Independent | 19.03.2020]

Reportazen Francisco JDA

Virus Corona ne’ebe mak sai pandemia iha mundu tomak, nasaun barak mak tenke taka sira porto entrada, atu bele evita virus corona daet ba ema seluk.

Situasaun ida ne’e halo komunidade Timor mos preokupa no mosu opiniun publiku, hodi taka aero port no fronteira.

Deputadu bankada FRETILI, David Dias Ximenes informa ba Neon Metin katak maske governu sei taka aeroportu no entrada portu  [Pelabuhan.red]  maibe estadu sei resolve problema konaba rezerva fos no prepara  fos ba populasaun sira.

 “Governu sei resolve problema stock, no iha stock rasik para depois resolve problema sira, tan saida mak governu tenke taka? Timor ne’e atu mate hamlaha nee la iha, maibe Corona virus ne’e tama ita mate. Iha Portugues dehan  dois males mal maior, mal menor rua ne’e hamlaha ho Corona.  Sira nain rua nia problema la diak hotu,  maibe ida be hamlaha ne’e, ema sei iha aifarina bele han, atu kura virus Corona nee mos seidauk iha  ne’e mak problema boot,  ne’e mak  ita nia governu hakarak taka”, tenik David Dias Ximenes, hafoin tuir serimonia assina Nota de Entedimentu Entre CNC ho ASSEPPOL iha Balide 19/03.

Bainhira Jornalista Neonmetin husu relasaun ho issue balun  ne’ebe dehan katak fos iha Municipio Lospalos fos folin sae? Ba Neon Metin, deputadu David hateten, governu komesa hola ona medida, atu hare tuir se mak fo sai, sei tama kadeia tinan tolu”, deklara deputadu David

Nia reforsatan governu iha programa, sei la husik nia povo atu hamlaha tan, nia lakohi nia povu atu mate, tan ne’e mak tenke taka

LEAVE A REPLY

Please enter your comment!
Please enter your name here