Home Notisia Ema Ho Difisienia Total 30 Afeta Hosi Inundasaun, RHTO Halo Formasaun Konaba...

Ema Ho Difisienia Total 30 Afeta Hosi Inundasaun, RHTO Halo Formasaun Konaba Prevensaun

165
0
Ema ho Difisiensia tuir formasaun iha RHTO oinsa prevene an. [Foto: Francisco JDA | 19.03.2020]

Reportazen Francisco JDA

Inundasaun ne’ebe akontese iha semana kotuk, rezulta uma barak mak hetan estragus no ema balun sai vitima, liu-liu iha area Becora, Bidau, Santa Cruz, Taibesi no Bekusi.

Hosi inundasaun ne’e rasik implika mos ba movimentu ema  ho difisiensia, hodi halao sira nia atividade iha situasaun normal.

Ho razaun ida ne’e Raes Hadomi Timor Oan [RHTO] halao treinamentu ba ema ho difisiensia ho objetivu atu kapasita ema ho difisiensia sira, oinsa mak prevene an bainhira hasoru dezastre naturais ka Inundasaun.

Direitor  RHTO, Joaonzito dos Santos ba Neon Metin hateten, treinementu ida ne’e atu kapasita ka hasae koinesementu ba ema ho difisensia,kona ba dezastre naturais, sekarik dezastre mosu ne’e oinsa mak ema ho difisensia bele  salva no proteze sira nia an rasik.

“Ema ho difisencia mais funeravel, ka risku liu wainhira mosu dezastre tanba sira ema ne’ebe ho tipu difisencia oin-oin hanesan uja kadeira roda. Se mosu inundasaun ema sira ne’e susar atu salva sira nian an, maibe ema sira ne’ebe la ho difisensia fasil liu atu halo movimentasaun ka halai, maibe ema ho difisensia matan, psikososial, difisencia feto inan isin rua, no mos ferik katuas sira, entaun ida ne’e araska tebes tanba inundasaun ne’e laos akontese foin dadauk ne’e deit, maibe uluk mos akontese ema balun mate”, tenik  Diretor RHTO, iha edifisiu Taibesi 19/03.

Diretor ne’e esplika, inundasaun ka bee mai ne’e tanba sidade Dili ne’e klean, bee sira ne’ebe tun hosi Remesio no Aileu, susar no risku tebes tanba Timor Leste sedauk iha sistema atu halo prevensaun hasoru risku dezastre naturais, maske Dili la udan, Aileu no Remesio deit mak udan mos bee hotu bele mai too iha Dili.

Tuir RHTO nia dadus temporariu ne’ebe hetan hosi Sekretariu Estadu Protesaun Civil, ema ho difisiensia ne’ebe afetadu hosi inundasaun hamutuk 30 iha Dili.

 “Ita ajuda humanitario la iha, halo serbisu hamutuk ho parseiro desenvolvimentu internasional sira hanesan Oxfam, ajensia Nasoens Unidas, governu no sosiedade civil sira ne’ebe serbisu ba iha dezastre nian.  Ita hasae konsensia liu hosi treinamentu, hodi nafatin habelar imformasaun atu konsidera oinsa bele salva an hosi desastre naturais”,  hateten Diretor RHTO.

Diretor nee mos reforsa tan, salavasaun ba ema ho difisensia presiza mos hetan primeiru seguru ba ema ho difisensia, labarik sir no inan isin rua sira, nune’e bele hasae konsensia bainhira mosu inundasaun ka dezastre naturais, bele prepara an antes ka mitigasaun bainhira hasoru udan.

LEAVE A REPLY

Please enter your comment!
Please enter your name here