Home Notisia PNTL Preparadu Nafatin Ba Serbisu Emergensia nian Iha Rai Laran

PNTL Preparadu Nafatin Ba Serbisu Emergensia nian Iha Rai Laran

118
0
Komandante Jeral PNTL, Comissario Faustino da Costa. [Foto: Santina Lucia da Costa | 19.03.2020]

Reportazen Santina Lucia da Costa

Komandante Jeral PNTL, Comissario Faustino da Costa informa situasaun semanal ba Prezidente da Republika.

Hafoin remata enkontru Comissario Faustino da Costa ba jornalista sira hateten preokupasaun barak liu mak liga ba inundasaun no saida mak PNTL halo ona ba problema inundusaun.

“Ami mós halo preparasaun ba oin, keta iha desizaun ruma ba situasaun politika, liuliu PNTL ami asegura. Aleinde halo seguransa, apoiu parte relevantes para halo evakuasaun, kontinuasaun halo limpeza ne’ebé agora dadaun lao hela”, hateten Comissario Faustino, iha palacio prezidensia 19/03.

Komandate Jeral PNTL hatutan aprezenta konaba ba COVID-19 nian, katak governu hasai no prepara, atu nune’e nasaun barak labele tama, PNTL nia serbisu mak halo seguransa, karik ema husi ita nia ka husi rai seluk mak mai, mak detekta COVID-19, aprezenta ba parte relevante, no hatama iha karantina.

“Orientasaun komando mós fó ona ba Unidade Patroliamentu Fronteira (UPF), tantu mós komando Munisipiu 3, iha Fronteira, hanesan Bobonaro, Covalima ho Oecusse, para asegura, mak detekta duni ema ruma tama ilegal, automatikamente tenke orienta sira ba karantina”, tenik Comissario, Faustino da Costa.

Faustino da Costa informa ekipamentus atu fasilita Polisia iha fronteira agora dadaun, polisia iha fronteira iha buat 2 mak hanesan ekipamentu baziku ne’ebé sira iha no sasan atu proteje hanesan luvas ho maskara, sasan seluk sedauk iha.

LEAVE A REPLY

Please enter your comment!
Please enter your name here