Home Notisia Sei Iha Foos 48 Mill Toneladas, TMR: Uluk Iha Ai-laran Han Deit...

Sei Iha Foos 48 Mill Toneladas, TMR: Uluk Iha Ai-laran Han Deit Kumbili ho Akar, Ami Moris Hela

1369
0
Primeiru Ministru Taur Matan Ruak. [Foto: Santina Lucia d Costa | 19.03.2020]

Reportazen Santina Lucia da Costa

Moras Corona ne’ebe mak sai pandemia iha mundu tomak, atu hatan situasaun ida ne;e, governu Timor-Leste halo ona esforsu hodi halo prevensaun, liu-liu iha porto entrada, planu atu taka, issue ida ne’e halo komunidade paniku, no iha indikasaun sasan nesesidade baziku sei menus.

Hafoin remata enkontru ho Prezidente da Republika, Dr. Francisco Guterres Lu Olo, ba jornalista sira Primeiru Ministru, Taur Matan Ruak inform ba jornalista sira governu iha planu provizoriamente, atu taka fronteiras no aeroportu durante fulan 4, atu nune’e ema labele halo movimentu ba mai, hodi lori tama Corona Virus.

Tuir Primeiru Ministru Taur Matan Ruak, hateten, governu iha foos 48 mil toneladas, ou liu bele aguenta to’o fulan haat.

“Agora saida mak ita halo, para kontrola oportunista sira labele aproveita situasaun para hariku-an, inflasiona presu produtu sira nian, ita atensaun ba ida ne’e”, hateten Taur Matan Ruak, 19/03

Taur Matan Ruak hatutan, “ita boot sira haree ami uluk iha ai-laran, tinan 24 han Kumbili, Akar, ne’e de’it ami sei moris, tanba saida mak ita labele ba fali han Ai-farina ita nia avo sira nian”.

LEAVE A REPLY

Please enter your comment!
Please enter your name here