Home Notisia Uma Kain Hamutuk 9.575 Iha Suku Comoro Simu Subsidiu Hosi Governu

Uma Kain Hamutuk 9.575 Iha Suku Comoro Simu Subsidiu Hosi Governu

441
0
Vice PM no MSSI Armanda Berta Lansa programa fahe subsidiu $100 uma kain. [Foto: Santina Lucia da Costa | 09.06.2020]

Reportazen Santina Lucia da Costa

Vise Primeira Ministra no Ministra Solidariedade Sosial no Inkluzaun (MSSI), Armanda Berta dos Santos halo lansamentu ba subsidiu $100 iha suku Comoro, ne’ebe mak durante ne’e povu hein no ohin realiza pagamentu ba teritoriu iha Timor laran tomak.

Iha sede Suku Comoro, Vice PM no MSSI hateten ema hotu akompanha, liu-liu komunidade sira ne’ebe hein nia direitu ne’ebe fo sai ona ohin loron, “ hakarak tun direita para haree, osan $100 dollar ne’e to’o duni ba ita nia komunidade sira”, hateten Armanda Berta dos Santos ba Jornalista sira iha sede suku Comoro, 09/6.

Armanda Berta dos Santos hateten objetivu hosi lansamentu iha suku Comoro ida ne’e, tanba durante situasaun Covid-19, ita hasoru no infrenta problema, tanba ida ne’e mak ohin hahu pagamentu no kada uma kain sei hetan $100 ba fulan ida nian.

“Iha situasaun Covid-19 nia laran sira iha de’it uma, ne’e sai impaktu ba ekonomia no sosial entaun ida ne’e mak governu hanoin $100 dollar  hodi fahe ba kada uma kain, sira merese hodi hetan iha situasaun Covid-19 no bainhira situasaun normal ne’e lae ona”, hatetetn Berta.

Armanda Berta rekonnese katak prosesu akumula dadus han tempu no komunidade sira merese atu kritika. Improtante subsidiu to’o duni iha komunidade nia liman, ida ne’ebe mak merese hetan ida ne’ebe mak la merese hetan.

Konaba uma kain sira ne’ebe mak naran laiha, bele halo reklamasaun fali ba Ministeriu Administrasaun Estatal (MAE) no MSSI para bele haree iha loron 15 nia laran, hodi bele haree fila fali no foti desizaun ruma.

“Ba naran ne’ebe mak dupla tenki halo reklamasaun, tanba uma ka’in ida tenki ida, labele dupla iha ne’eba, tanba ne’e mak dadus menus uituan iha ne’eba, ita haree Lei ne’ebe mak vigora tiha ona, iha diploma Ministerial nian, kestaun teknika nian, ita fo ba tekniak sira mak haree”, informa Berta.

.Iha fatin hanesan, Xefe suku Comoro, Eurico da Costa de Jesus, hateten governu liu husi MSSI aloka osan subsidiu $200 ba suku Comoro hamutuk $1,951,000 miliaun hodi fahe ba benefisiariu  uma kain hamutuk 9.575 iha suku Comoro.

Xefe suku Comoro hatutan oras ne’e nia seidauk hatene numeru reklamasaun hira, uma-kain hira mak naran la fo sai, maibe hein de’it bainhira pagamentu hotu, mak foin bele hatene.

Nia dehan, hirak ne’ebe naran laiha, sei ba meza reklamasaun nian, hodi tama ba iha lista adisional, liu husi autoridade komunitaria ba iha meza Ministeriu Solidariedade Sosial no Inkluzaun (MSSI) no Ministeriu Administrasaun Estatal (MAE).

Entretantu tuir  benefisiariu, Agustinha Martins de Carvalho hatoo sentimentu triste oitun tanba fulan rua nia laran, sulan an deit iha uma no subsidiu ne’ebe nia simu bele hakmaan nia moris oituan.

Print Friendly, PDF & Email

LEAVE A REPLY

Please enter your comment!
Please enter your name here