Home Notisia PM: Governu Esforsu-an Rezolve Problema Emerjensia no Prevensaun COVID 19

PM: Governu Esforsu-an Rezolve Problema Emerjensia no Prevensaun COVID 19

220
0
Primeiru Ministru Taur Matan Rua. [Foto: Santina Lucia da Costa | 19.03.2020]

Reportazen Santina Lucia da Costa

Primeiru Minisru, Taur Matan Ruak kontinua halo enkontru regular ho Prezidente da Republika, Dr. Francisco Guterres Lu Olo, hodi informa situasaun no kondisaun komunidade no planu programa governu nian, hodi responde nesesidade emerjensia iha rai laran.

Hafoin enkontru Primeiru Ministru ba jornalista sira hateten, liu hosi enkontru Primeiru Ministru asumtu importante sira hanesan seguransa rai laran, dezastre naturais no moras virus Corona

 “Seguransa iha ita nia rai laran buat hotu di’ak, laiha preokupasaun boot, apezar buat ki’ik oan akontese iha Dili. Dezastre nuturais ne’e ita halo levantamentu ona, seidauk final, mais sira ne’ebé ate agora ita hatene ne’e ninia estaragus ne’e, atinji valor mais $20 Miloens de dollares, ne’e atinji populasaun nian, no mós insfrastrutura fiziku nian hanesan eletrisidade, Bee Moos, estrada ne’e ninia kustu ne’e hamutuk $20 milloens dollares resin”, hateten Taur Matan Ruak iha Palacio Prezidensia, 19/03.

Primeiru Ministru hatutan governu halo hela esforsu ba rekooperasaun insfrastrutura sira, fundu infrastrutura, apoiu emerjensia no rekooperasaun ba populasaun sira. Sei haree iha kontinjensia, maibe agora iha situasaun duodesimu ne’e katak kontinjensia ne’e ki’ik liu.

“Foin dadauk ne’e ami halo desizaun rua iha Konsellu Ministrus,  horseik ami aprova, proposta Lei ida para halo levantamentu ida, atu husu autórizasaun Parlamentu Nasional para halo levantamentu ba Fundu Petroliferu no mós iha semana liu ba, ami halo propoin alterasaun Lei Orsamentu Jestaun Finanseira, para bele fó dalan liu tan ba governu, hodi responde ba ita nia komprimisu nasionais ho internasionais, konaba dezastre naturais nian”, hateten PM.

Relasiona ho Corona, Primeiru Ministru hateten iha nasaun sira ne’ebe afeta Corona, sira susesu hodi halo asaun iha faze 5 hanesan kampanha ba ijiene, tau mascara, halo intervensaun hosi prevensaun iha Aeroportu no fronteira.

“Ita seidauk halo iha masal katak halo iha Palasiu Prezidente, halo iha Palasiu Governu, halo iha eskola sira, halo iha loja sira, para hatene moras ne’e iha tiha ona ka lae, ita seidauk halo ida ne’e. Ita nia laboratoriu, seidauk prepara, espera katak ita iha semana ida ka rua tan ita bele iha, halo iha ne’e, mais enkuantu ita seidauk halo iha ne’e, ita haruka ba liur, konaba teste ema sinais iha ka lae, ne’e ita halo ona iha aeroportu sira”, esplika Taur

Primeiru Ministru informa katak Konselhu Ministru aprova ona proposta Lei hodi foti fundus petroliferu, no husu autorizasaun Parlamentu Nasional, hodi autoriza governu para halo levantamentu $250 milloens.

“Hau espera no fiar Parlamentu Nasional bele ajuda, se lae dezastre naturais, problema Corona Virus, hau fiar katak ita sei iha rekursu ba ida ne’e”, tenik Taur Matan Ruak

LEAVE A REPLY

Please enter your comment!
Please enter your name here