Reportajen Joanina Casamiro
Organizasaun Resistensia Nasionál dos Estudantes de Timor-Leste (RENETIL), Hetan Apoiu Fundus Hosi Serviços de Apoiu Sosiedade Civil e Auditórial Social (SASCAS ), Ho Orsamentu $ 30.000, Hodi Realiza Kongressu RENETIL nian ba dala ualu, no kongressu ne’e iha loron rua no hahú husi 2 Dezembru to’o 3 Dezembru 2022.
Prezidente Komisaun Organizadora ba kongressu Organizasaun Resistensia Nasionál dos Estudantes de Timor-Leste (RENETIL) ba da-ualu nian, Domingos dos Ramos Gusmão, Hateten, ohin realiza kongressu ba loron daruak nia sei tama ba materia jeral halai liu ba iha materia resistensia RENETIL nian. No iha kongressu ne’e hetan apoiu hosi Serviços de Apoiu Sosiedade Civil e Auditórial Social (SASCAS ).
“Fundus ne’ebé ita hetan hodi halo kongressu iha loron rua ne’e hetan apoiu hosi (SASCAS) iha primeiru Ministru nian ho montante rihun tolu nulu $ 30.000,” Dehan prezidente Komisaun organizador Domingos dos Ramos ba Jornalista sira iha Salaun CCD Merkadu Lama Kaikoli, sabadu 03/12.
Iha kongressu RENETIL ba loron daruak nia partisipa mós hosi membru governu no estituilares,Konvidadus sira no mós iha organizasaun barak ne’ebé iha parseiru ho resistensia sira hanesan iha Timor nia mak hanesan Organizasaun Joventude Timor-Leste, (OJTL), Fitun Sakgrada Familia, no sira seluk Senadu Universitariu sira hotu, no inklui mós Jerasaun foun sira.
Nia esplika Kongresu iha loron daruak ne’ebé ohin halo registu ba kongresista sira hamutuk 321 no ba iha konvidadus sira iha 25, no totál hamutuk 342, maibé dalaruma to’o loraik sei aumenta tan kongresista, tanba iha ne’e target ba ema nain 600 ital membru RENETIL.
“Hau hatene katak RENETIL iha nia membru barak namakari iha Timor laran tomak iha 13 Munisipiu inklui mos AREOA, maibé iha kongressu ne’e antes ami fo avizu ou fahe ona informasaun ba sira hotu-hotu ita presenza iha Dili atu tuir kongressu RENETIL nian,” nia esplika liu tan.
Nune’e mós Prezidente komisaun organizadór iha esperansa boot katak iha kongressu ne’ebé la’o durante loron rua ne’e sei susesu no mós bele hetan partisipasaun mazimu hosi kongresista mós ativu, fiar katak iha kongressu ne’e bele hetan susesu di’ak liu tan iha loron ikus mai.
SASCAS fo fundus ba RENETIL ho montante $200 mill ba pluru annual husi tinan 2022 to’o 2023. SASCAS transfere uluk $80 mill (40%). Husi $80 mill ne’e inklui ba atividade kongresu ba dala ualu nian ho montante $30 mill
