Reportajen Joselina Dos Santos
Martinho Gusmão hateten atu hamenus krime iha Timor-Leste, presiza hadia setór justisa tanba kazu droga no krime kontinua akontese, tanba justisa sei fraku no laiha misa rikordia, nune’e profisionál sira hanesan Juiz, Prokuradór, advogadu no defensór sira presiza aprende, hodi hasa’e sira nia koñesimentu tanba sira mós la dumina lei ho di’ak karik domina esplika detallu ba povu atu droga labele akontese beik-beik.
“Setór justisa ne’ebé daudaun ne’e eziste fó todan ba sira ne’ebé servisu iha laran tanba kazu barak liu, maibé sira seidauk hetan atendimentu ne’ebé forte hodi hasa’e sira nia kapasidade atu atinje nune’e presiza aumenta koñesimentu tan”, dehan eis Padre Martinho Gusmão, bainhira partisipa iha kongresu da-ualu RENETIL Iha CCD Merkadu Lama, Sabadu 03/12.
Nia haktuir, relasiona ba kazu hirak ne’e, keta haluha katak loron-loron kriminozu sira aumenta entaun prokuradór no juiz sira tenke aprende liu tan kona-ba mundu oihn loron nian, tanba Prezidente Republika fó ona atensaun nune’e pasu tuir mai Parlamentu dispoin tan lei ne’ebé atu ajuda seitór justisa iha Timor-Leste.
“Ita nia rekursu ne’ebé iha ladun sufisiente tanba tinan 20 ona, maibé ita laiha ema atu tuur iha suprema tribunal justisa ho razaun rekursu laiha signifika rekursu la ta’o. Vontade iha lei iha morál ne’ebé juiz responsavel ba iha nia konxiénsia maibé kuandu ita la eduka ita nia konxiénsia mak sira nia fiar sei miis no sei akontese sela droga, ida ne’e paz parte husi konxiénsia morál maibé menus ho koñesimentu”, nia hatutan
Nia esplika Justisa bazeia ba misa rikordia entaun ida ne’e tenke haree ba juiz prokuradór, advogadu no Polisia tenke eduka sira nia kapasidade kona-ba asuntu ida nee. Ne’e duni ema hotu tenke haree kona-ba justisa direitu no lei liga ba droga, justisa akontese tanba instrumentu estadu nian la halo justisa ba povu tanba ne’e krime sei kontinua akontese iha Timor-Leste.
