Reportajen Umbelina dos Reis
Lider nasionál Xanana Gusmão, ohin 18 Fevereiru, fila hikas mai Timor-Leste ho aviaun airasia.com, tun iha aero portu Internasionál Prezidente Nicolau Lobato, Comoro, Díli iha oras 13.30 hafoin hala’o viajen ba Dubai no Portugal durante semana rua nia laran ba asuntu relasiona ho Timor-Leste nian.
Tuir observasaun Neon Metin iha aero portu Internasional Nicolau Lobato, hodi simu Xanana Gusmão ne’e, direitamente marka prezensa husi Premiadu Nobel da Paz, José Manuel Ramos Horta, Diretora Jerál Prestasaun, Odete Maria Viegas nomos Prezidente PST, Avelino Coelho. Marka prezensa mos husi Xanana Gusmão nia oan mane Kay-Olo, inklui membru Partidu CNRT.
Iha oportunidade ne’e jornalista sira tenta husu informasaun konabá durante semana rua halo viajem hodi hala’o servisu nasaun nian iha Dubai no Portugal, maibé Xanana la konsege hataan.
