Home Meio Ambiente Durante Semana Rua , Komunidade nia Uma 83 Hetan Estragus Husi Anin...

Durante Semana Rua , Komunidade nia Uma 83 Hetan Estragus Husi Anin no Ahi Han

923
0
Xefe Gabinete Relasaun Externa no komunikasaun (GREC), Autoridade Protesaun Sivil (APC), Anacleto Caetano halo konferénsia imprensa relasiona ho Situasaun iha Rai laran. [Foto: Joselina | 07.11.2023]

Reportajen Joselina dos Santos

Autoridade Protesaun Sivil (APC), relata dadus dezastre naturais ne’ebé akontese iha rai laran durante semana rua hahú husi loron 23 fulan Otumbru to’o loron 6 fulan Novembru 2023, ne’e APC rejistu komunidade nia uma hamutuk   83 hetan estragus husi anin no ahi han no ema nain 1 maka lakon vida iha Munísipiu Ermera.

Xefe Gabinete Relasaun Externa no komunikasaun  (GREC) Anacleto Caetano hateten, dadus ne’ebé rekolla husi CNOPC-APC no DNB, total uma sira ne’ebé hetan estragus husi dia 23 de Outubro to’o dia 06 de Novembro 2023,  APC Rejistu komunidade nia uma hamutuk  83 hetan estragus inklui  konflitu Sosiál 7, kanek 7 no mate 1.

“Total dadus estragus husi loron 23 to’o 30  fulan Otumbru mak iha  Munisipiu sira hanesan; Munisipiu Aileu Ahi han uma 1, Baucau Anin sobu uma 23 no konflitu sosial 1, Bobonaro Ahi han uma 1, Ermera Anin sobu uma 8, Ahi han  uma 2 no mate 1, Covalima Ahi han uma 1, Lautem Ahi han uma 3 , Likisá Ahi han uma 1,  RAEOA Ahi han uma 1 no Viqueque Ahi han uma 5,” dehan Xefe Gabinete Relasaun Externa no komunikasaun  (GREC) Anacleto Caetano liuhusi konferénsia imprensa iha Edifisiu APC, kaicoli, Segunda 06/11.

Nia informa, husi loron 31-06 de Novembro APC mós rejistu Xefi familias 29 nia uma hetan estragus inklui (konflitu sosial 6 no kanek 7),  liliu iha Munisípiu sira hanesan Munisípiu Ainaro, Postu Maubisse, Suku Maubisse, Aldeia Telituku, ahi han uma 1. Iha Munisipiu Baucau, Postu Quelicai, Suku Afasa, Aldeia Wekobuti, akontese Konflitu Social estaragus uma 11 no Suku Afasa, Aldeia Boralai, akontese Konflitu Social estaragus uma 4. Munisípiu Bobonaro, Postu Bobonaro, Suku Lourba, Aldeia Lourba Leten, ahi han uma 6, no Ema kanek 7.

Iha Munisípiu Dili, Postu Cristo Rei, Suku Hera, Aldeia Mota kiik, ahi han uma 1; Postu Dom Aleixo, Suku Comoro, Aldeia 12 Outubru, ahi han uma 1. Munisípiu Liquiça, Postu Maubara, Suku Vatuvou, Aldeia Gariana, akontese Anin estragu uma 1. Munisípiu Manufahi, Postu Same, Suku Daisua, akontese ahi han uma 2. Iha RAEOA, Sub Rejiaun Nitibe, Suku Lelaufe, Aldeia Mahata, ahi han uma 1; Sub Pante Makasar, Suku Lalisuk, Aldeia Padiae, ahi han uma 1.

“Husi Familias afeitadus sira ne’ebé hetan estragus, “Autoridade Protesaun Sivil, liu husi Komandu APC Munisípiu serbisu hamutuk ho parseirus relevantes sira kontinua fornese ona assisténsia emerjénsia ba familias afeitadus sira ho apoio hanesan aihan no materias konstrusaun sira (Food item and non-food item)”, dehan  Anacleto Caetano.

APC halo ho tipo rua tuir volume estragus husi ne’ebé mak bele kategoria ba apoio emerjénjia ka rekoperasaun ekonomiku hodi konstroe fali komunidade sira nia uma. Nune’e nia apela  ba komunidade sira atu hadok-an husi fatin ne’ebé konsidera hanesan risku dezastre naturais tanba dadaun ne’e Timor-Leste hasoru hela situasaun bailoron naruk.

Print Friendly, PDF & Email

LEAVE A REPLY

Please enter your comment!
Please enter your name here