Home Notisia RENETIL Ba Dala 32, Saky: Fó Um minute Silencio Ba Lasama no...

RENETIL Ba Dala 32, Saky: Fó Um minute Silencio Ba Lasama no Lucas “Rama Metan”

697
0
Fundador RENETIL, Carlos da Silva Lopes (Freezip/Radihka Saky). [Foto: Francisco JDA | 21.06.2020]

Reportazen Raimundo Seguerau

Iha komemorasaun aniversariu ezistensia organizasaun Rezistensia Nasional dos Estudantes Timorense (RENETIL) ba dala 32, ne’ebé harii iha loron 20 Junho 1988 to’o 2020, ne’ebé hala’o iha sede RENETIL palapaso-Dili.

Iha kalan refleksaun Fundadór RENETIL, Carlos da Silva Lopes (Freezip/Radihka Saky), dirije um minutu silensio, hodi fo omenajen ba kompenhero sira ne’ebe mate iha funua laran no sira ne’ebe mate depois de ukun-an

Nia dehan, um minute silensio ne’e hodi hanoin hikas ita nia kompainero Lasama, Lucas no kompainero RENETIL tomak ne’ebé mesak di’ak de’it, hodi fó-an tomak ba luta. Ohin loron ita hetan ukun rasik-an.

Iha sorin seluk, Sekretariu Jeral RENETIL, Juaquim Fonseca “Russo” agradese ba fundador RENETIL nain 10 ne’ebé inisiativa di’ak, hodi harii organizasaun ne’e ho objetivu atu bele halibur Timor oan sira hotu luta ba libertasaun patria.

“Hau hato’o origado barak ba kompainero sira nia korajen hodi harii organizasaun ida ne’e tinan 32 liu ba fó netik dalan atu ami sira tuir no parabens”, nia agradese.

Iha livru RENETIL iha Luta Libertasaun Timor-Lorosa’e: Antes Sem Título, Do Que Sem Pátria, esplika kona-ba motivu sira nebe dudu estudante sira harii RENETIL hodi luta ba ukun-rasik-an no parte balun nebe hateten RENETIL la’os harii hosi ulun boot sira Rezistensia nian hanesan tuir mai: “… injustisa ho violasaun direitu ema nian oioin nebe Indonezia halu hasoru timoroan sira, haboot mos sentimentu anti okupasaun Indonezia nian iha Timor-Lorosa’e.Buat hotu-hotu hakat husi ispiritu, vontade luta, no dever atu defende direitu povu Timor- Lorosae nian: ukun-an total no kompleta ba Timor-Lorosae. Ida ne’e mak marka diferensa entre RENETIL ho organizasaun juvenil no estudantil sira seluk Timor-Lorosa’e nian, nebe barak-liu, ulun-boot sira rezistensia nian mak harii ka haruka harii. (Saky, 2013, p. 50).

RENETIL harii iha loron 20 fulan Junyu tinan 1988, harii hosi estudante na’in 10 nebe estuda iha Denpasar, Bali.  Estudante na’in 10 nebe hanesan fundador RENETIL nian mak: Fernando de Araújo (La’ Sama), José A.M.X. Gonçalves (Si’ak), Lucas da Costa (Lahe Mau/Rama Metan), Carlos da Silva Lopes (Freezip/Radihka Saky), Agapito Cardoso (Mau Loco), Marciano Octávio Garcia da Silva (Chury Sakar Subar), Julio Abel Ribeiro) (Tae Tudak), João de Araújo (Mau Terus), Adolfo Fontes Soares (Mau Lamas) no João Cardoso Fernandes (Mau Riba).

Print Friendly, PDF & Email

LEAVE A REPLY

Please enter your comment!
Please enter your name here