Home Notisia Dili Dialogue Forum Ba Daruak, KI Promove Auto-Regulasaun Midia

Dili Dialogue Forum Ba Daruak, KI Promove Auto-Regulasaun Midia

229
0
Dili Dialogue Forum ba daruak mak organiza hosi Konsellu Imprensa, hosi 19 - 20 Jullu 2018

Santina L. Da Costa

Konsellu Imprensa organiza tan Dili Dialogue Forum, ho tema “Kria Rede Hodi Hametin Mekanizmu ba Auto-regulasaun Midia iha Rejiaun Sudeste Aziatiku no Pasifika.” Dili Dialogue Forum ne’e hanesan fatin sorumu ba Konsellu Imprensa iha rejiaun Sudeste Aziatiku no Pasifiku.

Sekretariu Estadu Komunikasaun Sosial, Mericio Akara loke abertura ba Dili Dialogue Forum hateten, Ita nia governu konsidera media hanesan pilar importante ba prosesu demokrasia iha ita nia rai tanba ne’e mak ita nia governu hanoin katak komunikasaun koperasaun ho ita nia media ne’e importante.

“Reprezentante nasaun seluk mos mai fahe sira nia espriensia oinsa sira nia prosesu self regulatoriu ne’e oinsa sira regula sira nia prosesu rasik, prosesu ida ne’e sira hanoin katak importante espasu di’ak liu ba media sira atu espresa atu halo sira nia kna’ar di’ak liu, sira fahe esperiensia hirak ne’e ba kontextu Timor ita hanoin para oinsa kolaborasaun entre estadu ho media para ita dezenvolve objetivu prinsipal ba ita nia rai”. Mericio Akarak hatete iha nia liafuak makloke ba Dili Dialogue Forum, iha Salaun Ministeriu Finansas, 19/07, Dili.

Sekretariu Estadu Komunikasaun Sosial ne’e mos koalia kona ba governu nia komitmentu, atu kolabora ho media husi nasaun sira seluk, inklui nasaun  ASEAN no CPLP hodi dezenvolve no garantia liberdade espresaun, no direitu ba informasaun. Nia mos hatete katak media privadu sira bele sai hanesan parseiru estratejiku  iha komunikasaun sosial.

Iha fatin hanesan, Presidente Komisaun Organizadora, Francisco Simoes Belo, nudar membru ida hosi  Konsellu Imprensa relata, to’o loron ohin halo tinan rua nia mandatu, iha okaziaun aniversariu KI nian ne’e, Konsellu Imprensa organiza konferensia internasional kona-ba mekanizmu auto-regulasaun midia nian. Fransisco mos hatete, “KI ho orgullu no organiza Dili Dialogue Forum ohin ho objetivu atu haforsa mekanizmu auto-regulasaun media iha rejiaun ho pontu diskusaun sira mak mekanizmu saida de’it ita presija atu estabelese matadalan ba jornalista sira iha rejiaun estratejia advokasia saida mak KI sira bele identifika atu hasoru hoax, fake news, propaganda falsu iha media sosial no internet no sai preokupa ba peskiza ka lae, presiza ka lae estabelese forum KI iha rejiaun sudeste aziatiku.”

Dili Dialogue Forum ne’e hetan apoio hosi SEKOMS, Ministeriu Negosiu Estrangeiru, Ministeriu Finansas, parseiru husi UNESCO, UNDP, no Embaixada Nova Zelandia. Bainaka ne’ebe partisipa Dili Dialogue forum ida ne’e ida, reprezentante KI husi papua nova- Guine, Indonesia, Thailandia, Filipina, no mós komisiu indonesia partisipa mós husi UNESCO, IFC ho SIFA. Iha mos partisipantes nasional nian sira, mai hosi asosiasoens jornalista, media nain no mos jornalista sira.

LEAVE A REPLY

Please enter your comment!
Please enter your name here