Home EduTek UNITAL Sei Reativa Prosesu Aprendizajem Iha Tempu Badak

UNITAL Sei Reativa Prosesu Aprendizajem Iha Tempu Badak

268
0
Reitor Interino UNITAL Eusebio Dias Quintas halo konferensia imprensa ho jornalista sira. [Foto:Fransisco Jose de Almeida | 17.07.2018]

Neon Metin – Relasiona ho problema jestaun iha Universidade Oriental Timor Lorosa’e [UNITAL], ne’e fo implikasaun ba prosesu aprendizajem, durante fulan sia nia laran, liu hosi Fundasaun As’Wain Timor-Leste [FUNATIL], desidi no delega Vice 1 hodi assume knaar udar Reitor Interino, hodi nune’e prosesu apredizajen bele normaliza fali.

Reitor Interino Eusebio Dias Quintas ba jornalista sira iha nia knaar fatin kampus Bekora hatete, iha semana ida ne’e prosesu aprendizasem sei lao fila fali hanesan bain-bain maibe sei kontinua halao diskusaun ho dosentes no estudantes sira iha Universidade

“ Tuir lolos eskola ida ne’e lao ona maibe, ha’u tenke imforma situasaun sira ne’e hotu ba dosentes no estudantes sira depois prosesu ida ne’e bele lao fali, nune’e mos ha’u hanoin katak prosesu aprendizasem lalao Iha UNITAL tamba problema gestaun entaun eskola ida ne’e paradau”, katak Euzebio

Euzebio akresenta liu tan, ema hotu hatene problema UNITAL no prosesu aprendizajem la lao, maibe Fundasaun konsege hala’o dialogo ho estudantes sira iha loron sabadu dia 07/07 nune’e Fundasau rasik foti inisiativa ida, atu bele normaliza prosesu aprendizasen no iha loron 08/08 Fundasaun halao enkontro ida hodi deside katak presiza halo estrutura provisório, nune’e foti Vice- Reitor I ba Reitor Interino.

Iha sorin seluk Porta Voz Estudante, Antonio da Costa hateten funsaun reitor Interino hahu ona maibe seidauk hatene kona nia kompensasaun, maibe reitor interino sei aprezenta nia an ba estudantes UNITAL. * [ Fransisco Jose de Almeida | Editor: Zevonia Vieira | NEON METIN | 18.07.2018 ]

LEAVE A REPLY

Please enter your comment!
Please enter your name here