Home Notisia Serka Sanitaria, Assanami: Ema Hotu Tenki Iha Tratamentu Hanesan

Serka Sanitaria, Assanami: Ema Hotu Tenki Iha Tratamentu Hanesan

1111
0
Prezidente PD no Deputadu bankada PD , Mariano Asanami. [Foto: Zevonia Vieira | 27.05.2020]

Reportazen Francisco JDA

Relasiona ho Serka Sanitaria ne’ebé governu deside besik fulan ida, fo implikasaun ba atividade maioria mak paradu hanesan prosesu aprendijajen, negosiante sira iha merkadu sasán la iha rendimentu, prejudika atividade ekonomia no susar ba ema vulneravel sira atu bele asesu nesesidade bázika ka hetan osan oituan ba sira nia familia uma laran.

Ho Asuntu ne’e Deputadu Bankada Partidu Democratiku (PD), Mariano  Assanami Sabino ba jornalista sira hateten, di’ak liu fo osan direitamente ba populasaun no estudante $200 ou $300  kada fulan, nune’e bele utiliza ba sira nia nesesidade.

“PD nia sujestaun di’ak fo $200 kada fulan ka $300, mais klaru kedan osan para utiliza ba sira nia nesesidade, ita hanoin atu apoio fos ka hahán durante ne’e mós halo Sexta Bázika la to’o ba hotu-hotu, ho situasaun COVID-19 ema labele ba antri simu hahán, entaun dalan opsaun diak liu fo fila fali ba povu ho osan, no ba estudante mós fó apoio osan de’it, ho osan para sira sosa nesesidade saida mak sira presiza liu,” Mariano Assanami Sabino iha Parlamentu Nasionál, 23/03

Assanami dehan Partidu Demokratiku la apoiu para estudante sira ne’ebé hela iha Dili, organiza atu fila fali ba municipiu tanba funsaun estudante ne’e atu estuda no aprende, di’ak liu sira iha ne’e para fokus aprende nafatin, liu hosi online no media sosial,  duké sira fila ba uma ne’e difisil.

“Situasaun real ne’e ita la konsege halo didiak, estudante barak hamlaha, ema barak atu sosa fos la iha, PD nia pozisaun apoiu total governu para atu luta hasoru COVID-19, governu karik osan la to’o mai iha ne’e,  medidas tenki muda labele ho sesta bázika ne’ebé halo  ema tenki forma barak,” hateten dehan  Assanami.

Assanami dehan iha situasaun COVID no estadu emergencia ema hotu tenki iha tratamentu hanesan, tanba ema ne’ebé mak fila liman, mak hetan osan, “ita hapara, nia la iha osan atu sosa buat ruma, ne’e susar, nune’e di’ak liu apoiu osan direitamente para hotu-hotu hetan”.

Print Friendly, PDF & Email

LEAVE A REPLY

Please enter your comment!
Please enter your name here