Home Notisia Xefe Suku Afaloicai Hatoo Ezijensia ba Lu Olo, 15% Komunidade La Asesu...

Xefe Suku Afaloicai Hatoo Ezijensia ba Lu Olo, 15% Komunidade La Asesu Eletrisidade

191
0
Suku Afaloicai, Constantinho Guterres. [Foto: Santina Lucia da Costa | 08.07.2020]

Reportazen Santina Lucia da Costa

Xefe Suku Afaloicai, Constantinho Guterres husi Postu-Administrativu Uatulari, Munisipiu Viqueque lori aspirasaun hodi hato’o ezijensia ka problema ne’ebe mak akontese iha populasaun sira, liuliu ba iha Suku Afaloicai , hodi hatoo  ba Prezidente da Republika, Dr. Francisco Guterres Lu-Olo.

“Hau hakarak hato’o ba Prezidente da Republika, para bele haree asuntu importante ida ne’e, liga ba 452 sukus, kuaze nia problemas hanesan hotu, tanba ne’e mak hau mai hasoru Prezidente da Republika, iha governasaun ida ne’e lao, bele halo netik buat ruma ba iha ita nia povu sira, ne’ebe mak iha area remotas sira”, katak Xefe Suku Afaloicai, Constantinho Guterres ba Jornalista sira, hafoin hasoru malu ho Prezidente Republika iha Palasiu Prezidensial, Nicolau Lobato, Aitarak-Laran, Dili, Loron, kuarta, 8/7.

Xefe Suku Afaloicai hatutan problema ne’ebe mak suku Afaloicai hasoru hanesan estrada, eletrisidade, saude, agrikultura ne’ebe mak  povu sira sente.

Nia dehan hanesan Xefe Suku husu governasaun ida ne’e bele halo buat ruma no bele halo mudansa ruma ba ita nia suku, liuliu ba iha suku Afaloicai

Constantinho akresenta iha suku Afaloicai komunidade ne’ebe mak seidauk asesu ba eletrisidade kuaze 15% no iha suku Afaloicai populasaun hamutuk nain 5225.

Prezidente Republika Francisco Guterres Lu-Olo resposta katak, nia komprende situasaun sira ne’e hotu, Prezidente da Republika garante sei halo buat ruma ba rai ida ne’e no povu ida ne’e, iha tempu badak nia laran.

LEAVE A REPLY

Please enter your comment!
Please enter your name here