Home Notisia CNC Ho KI Lansa Premiu Jurnalismu Ba Paz Maria Gorete, KI: Jornalista...

CNC Ho KI Lansa Premiu Jurnalismu Ba Paz Maria Gorete, KI: Jornalista nia Papel Defende Paz

314
0
Direotor Ezekutivu CNC, Hugo Fernandes. [Foto: Media KI | 13.07.2020]

Reportazen Francisco JDA

Centru Nasionál Chega (CNC ) ho Konselho Imprensa (KI) Fahe Imformasaun ba jornalista no Radio Komunidade sira, kona ba hasae konnesementu jornalista konaba relatorio CHEGA, hodi nune’e jornalista mos iha konnesementu naton atu hatene istorial konaba violasaun direitus humanus ne’ebe akontese iha tempu pasadu.

Bazeia  ba nota Entedimemtu ne’ebé CNC no KI hala’o ona iha tinan kotuk, hodi lansa  mos Premiu Maria Gorete nu’udar kategoria ba Jurnalismu Pas nian

Tuir Diretor Exekutivu CNC, Hugo Maria Fernandes ba jornalista sira hateten, lansa ona premiu Maria Gorete ne’ebé ho kategoria Jurnalismu Pas nian, tanba Maria Gorete nu’udar luta nain, hosi periodu  inisiu luta ba Timor-Leste nia ukun an no hala’o klandestina barak.

“Lansa prémiu ne’e ba jornalista hotu, importante mak publikasaun relasiona ho oinsá mak kria pas, mantein Pas, promove pas no mós direitu humanu, mak direitu ba ai-han, Moris di’ak, Edukasaun, Saúde parte boot hosi ema nia direitu humanu. Periodu fulan Julho too Outubru ne’e  jornalista hira mak sei submete sira nia obra ba KI no CNC iha prosesu selesaun no kriteria ne’e iha hotu ona”, hateten Hugo Maria Fernandes iha Salaun CNC,09/07

Diretor Executivu CNC reforsa tan katak, sei pronunsia premiu ne’e iha fulan Outubru ba komemorasaun Balibó V.

Iha fatin hanesan Diretor Executivu KI, Rigobertu Monteiro ba jornalista sira informa katak,  objetivu prinsipál hosi atividade ne’e mak promove jurnalismu no promove paz, tanba jornalista nia kontribuisaun la ses hosi media iha Timor-Leste

“Knaar komunikasaun sosial importante ida mak promove demokrasia, ita nia papel importante atu haburas demokrasia iha Timor-Leste. Aleinde habelar informasaun ba sosiedade, knaar komunikasaun sosial ka media defende paz, estabilidade no solidariedade entre povu sira, ita mak tenki habelar haburas iha sosiedade nia leet no kombate violensia”, hateten Diretor Executivu KI Rigoberto Monteiro.

Nia reforsatan katak kontribuisaun ema hotu nian,  ba luta libertasaun ne’e sai  referensia ida ne’ebe importante ba jornalista sira ba future, hodi promove paz katak lakohi tan violensia iha Timor-Leste maibé CHEGA ba violensia.

LEAVE A REPLY

Please enter your comment!
Please enter your name here