Reportajen Filomena da Conceicao
Bazeia ba rezultadu avaliasaun, husi ekipa juri neebe Centro Nasional Chega estabelese deside katak Media Online Neon Metin, sai manan nain ba premiu jornalizmu ba paz ” Maria Gorete Joaquim tinan 2024 kategoria ba media online di’ak liu, ho notísia konaba “feto servisu Seguransa, saláriu $115, istoria luta ba Moris Silvia ho Margarida nian“.
Xefe Redasaun media online Neon Metin Ato Lekinawa Costa haktuir, istoria hirak ne’ebe Neon Metin produz hodi manan ba Premiu Maria Gorete Joaquim Mak ” Feto servisu Seguransa, salariu $115, istoria luta ba Moris Silvia ho Margarida nian “, no kondera istoria ne’e importante tanba Silvia ho Margarida Sira Nia salariu$115 deit, maibe sira halo seguransa iha fatin ne’ebe mak Rai Osan ka toma konta ba osan sira ne’ebe iha milloes de dolar.
“Mana Silvia iha seguransa iha UN no mana Margarida iha Pax no Sira servisu iha Fatin neebe Mak Rai Osan barak maibe Sira simu deit $115 dolar iha kada Fulan imagina justica nee iha neebe tanba Fatin neebe Sira servisu ba guarda ka Rai Osan barak maibe Osan rasik ba Sira Kiik Liu”, dehan Ato ba Neon Metin iha Kampu festival fronteira Oebau
Nia husu jornalista hotu tenke badinas hodi buka issue sira ne’ebe mak ema seidauk haree hetan, ka ba ema hirak ne’ebe mak sei moris iha situasaun difisil nia laran, tanba sira nia lian importante tebes
“Hau husu ba jornalista Sira importante tenke foti istoria issu Sira neebe Ema seidauk haree hetan ka moris iha situasaun difisil Nia laran, no istoria neebe neomentin ba prémiu sira ne’e ami dedika ba povu sira iha Naktuka ne’ebe daudaun nee luta makaas Sira Nia direitu ba Rai”, nia konklui.
Alende media online Neon Metin, iha kategoria diak liu ba impre mak Jornal Independent no Radio Televizaun Timor-Leste kategoria elektronik diak liu.
