Home Notisia Selebra Loron Nasional Dahuluk Ema ho Difisiensia: Asesiblidade Edukasaun Difisiénsia Matan Seidauk...

Selebra Loron Nasional Dahuluk Ema ho Difisiensia: Asesiblidade Edukasaun Difisiénsia Matan Seidauk Naton

664
0
Selebrasaun Loron Nasional Dahuluk Ema Difisiénsia nian, 4 Julho (Foto-David)

Reportajen David da Costa

Loron Nasional ba Ema ho Difisiénsia iha Timor-Leste, Diretór Ezekutivu Centru Dezenvolvimentu Inkluzivu iha Timor-Leste (CIDTL) Konsidera asesiblidade edukasaun ba ema ho difisiénsia matan iha Timor-Leste seidauk natonm, Tanba ne’e ema hotu hamutuk hodi luta ba Ema ho Difisiensia nian Direitu Atu asesu bai ha edukasaun ne’ebé maka inkluzivu.

Diretór Ezekutivu CIDTL, Martinho A. O. Guterres, hanesan mós Komisaun Organizadór, ba loron Nasional Ema ho Difisiénsia nian, hateten, Atividade komemorasaun loron Nasional ba ema ho Difisiensia ida ne’e realiza, tanba ADTL servisu hamutuk ho Unidade servisu assuntu de inkluzaun sosial iha Casa Sivil Palasiu Prezidensial nian.

No atividade ida ne’e realiza ho nia tema prinsipal maka “Inkluzaun sosial la’os aprosimasaun karidade” foti tema ida ne’e, tanba ema hotu-hotu hatene katak asaun karidade ne’e la’os sai solusaun ida ne’ebé maka resolve ema difisiénsia ninia hakarak ka problema iha Timor-Leste.

“Ho tema espesifiku iha atividade ne’e maka “Equidade mak dalan ba inkluzaun didisiénsia, haree ba ami nia abilidade la’os ami nia difisiénsia, tanba ami ema ho difisiénsia la’os invalida iha rai ida ne’e,” Diretór Ezekutivu CIDTL, Martinho A. O. Guterres, iha nia diskurus, Palasiu Prezidensial Bairo-Pite, Dili, Kinta 4/07.

Nia haktuir tan, hanesan ema ho difisiénsia matan, buat ne’ebé maka Ema ho Difisiensia sente maka, asesiblidade ba edukasaun ema ho difisiénsia matan seidauk naton. Edukasaun inkluzivu ko’alia makaas iha tinan naruk no aprova ona, maibé nia implementasaun sei menus hela no ema ho difisiensia seidauk asesu ho di’ak. Tanba ne’e ema hotu tenke hamutuk ema ho difisiensia hodi luta nafatin ba ema ho difisiensia nian direitu.

“Ita hamutuk mak sai forsa ida hodi luta ba ita nian objetivu ida no to’o ohin loron, advokasia ne’e sai forte, ratefikasaun ba konvensaun internasional ba ema ho difisiénsia ratifika ona. Mas ita hein prosesu implementasaun atinje duni saida mak ita nia hakarak no ita nia ezijensia,” nia hateten.

Alende ne’e mós nia espresa tan, iha atividade komemorasaun loron Nasional ema ho difisiénsia ne’e laiha governu ida ne’ebé maka partesipa, liuliu Minisiteru Solidadridade Sosial no Inkluzaun sosial, maske sira maka servisu tiha ba asuntu ema ho difisiénsia nian, maibé sira rasik la mai no ba halo mesak sira nia atividade lakoi halo atividade hamutuk ho ema ho difisiensia iha sira ne’e.

“Hanesan mos ema difisiénsia sente triste tebes, tanba atividade ida ne’e ita mesak, maske governu balun iha ne’e, maibé ida ne’ebé mak durante hamutuk ho ita luta ba ita nia objetivu sira hanesan MSSI ne’ebé mak sai hanesan koordenador ba iha implementasaun planu asaun Nasional ba ema ho difisiénsia, sira ba organiza mesak iha Liquiça,” nia espresa

Iha fatin hanesan Asseor Prinsipal Unidade Servisu Assuntu Inkluzaun sosial iha Casa Sivil Palasiu Prezidensial, Gaspar Afonso, hatete, ohin selebra loron Nasional Ema ho Difisiensia nian, sente triste uituan tanba organizasaun difisiénsia ho Palasiu Prezidente maka kolabora hodi selebra. Maibé MSSI hanesan nain ba assuntu inkluzaun sosial selebra ketak iha Munisipiu. Maibé Palasiu Prezidente hamutuk nafatin ho maluk ema ho difisiensia sira hodi selebra loron Nasional Ema ho Difisi’ensia nian.

“Ami organizasaun difisiénsia sira, hamutuk ho hau hakrak festeja hamutuk iha ne’e, atu hatudu ba soseidade Timor katak ema ho difisiénsia eziste no sidadun ba rai ida ne’e no ema difisiénsia festeja nia loron rasik,”nia dehan.

Alende ne’e, Gaspar  mós rekoinese katak ema ho difisiénsia barak maka seidauk asesu ba iha edukasaun ne’ebé mak diak no inkluzivu, tanba ne’e ,nu’udar reprezenta ema ho difisiénsia iha palasiu Prezidente sei luta nafatin ba ema ho difisiénsia nia direitu iha Timor-Leste. Atu nune’e bele hetan nia direitu hanesan ema la ho difisiénsia.

“Ita nia luta ne’e, ita hakarak sai aitarak ida katak, ita sai lian iha fatin-fatin no ita nia direitu ne’e seidauk atinje masimu, ita kontinua luta ba ida ne’e. hau hanesan reprezenta ema ho difisiensia iha Palasiu Prezidente sei luta ba ami nia maluk ema ho difisiensia nian direitu,” nia alerta.

Print Friendly, PDF & Email

LEAVE A REPLY

Please enter your comment!
Please enter your name here