Reportajen Zemila Calau no Cresencia de Castro
Bazeia ba artigu 30 husi Lei número 7/2004, alterado ho Lei número 8/2009 ne’ebé koalia kona-bá dever atu informa ba públiku. Provedor de Direitus Humanus e Justiça (PDHJ) tenke informa ba sidadaun sira, kona-bá nia atividades sira kona-bá objetu husi ninina mandatu, no tenki disponível nafatin ba kualker ema ne’ebé mak hato’o informasaun, aprejenta keixa ruma ka husu esklraresementu ruma. Tanba ne’e iha planu operacional PDHJ nian kada fulan sei realiza Meet the Press, hodi fó sai progressu Provedor nian ba iha públiku.
Provedor de Direitus Humanus e Justiça Virgilio Guteres liuhusi konferensi imprensa esplika katak, relasiona ho desizaun husi elabora planu estratejiku 2024-2028, sei halo Meet the Press, hodi halo dialogu ho media no jornalista sira, nune bele fo sai ba publiku, konaba provedoria nia serbisu durante fulan ida nian.
Provedor Virgilio dehan informasaun ba públiku sei mai husi diresaun programatiku tolu ne’e, programatiku tolu ne’e mak iha responsabilidade, atu ezekuta atividade sira ne’ebé konstituisaun haraik ba Direitus Humanus liuhusi Provedoria.
Nia hatutan iha diresaun promosaun nian, sei foka ba parte edukasaun, promosaun ba direitos humanus no boa governasaun, ne’ebe halo ona ba Polisia, Falintil Forsa Defeza Timor-Leste hamutuk nain 24, Ba Ministeriu Interior no Universidade Timor Lorosa’e,
Iha parte serbisu monitorizasaun nian ba foka liu konaba menus aimoruk ka aimoru laiha iha sentru saude sira hanesan Comoro, Farmoza, Verra-Cruz, Becora, inklui munisipio sira hanesan; Same, Maliana, Baukau inklui RAEOA.
Monitorizasaun ba manisfetasaun manorin kontratadu sira, monitorizsaun ba keixa kazu labarik lakon iha Dili, no mós kazu Fronteira Naktuka iha moz kauza seluk tan ne’ebé mak ami la temi. Parte datoluk ni’an mak Jestaun Keixa nian mak, servisu Asistensia pública rejista hamutuk 49 Violasaun Direitus Humanus (VDH), 18 violasaun Boa Governasaun (VBG). Keixa hirak ne’e rejistu iha PDHJ hamutuk 31, Distritu Baukau 4, Same 1, Maliana 10, RAEOA 3. Prosesamentu ba keixa sira mak hanesan, Loke ba investigasaun hamutuk 22, investigasaun- notisiadu krime 1, loke refere 5, mediasaun 3, taka haruka hamutuk 9, taka arkiva 1. Relasiona ho kazu refere servisu PDHJ distribui ona natifikasaun hamutuk 15.
Liuhusi konferensia imprensa PDHJ parte mediasaun hala’o pre-mediasaun ba kazu 3 iha munisipiu Dili, maibe kazu ida haruka tak, no kazu rua sei hein prosesu iha tribunal. Iha parte Servisu investigasaun finaliza relatório pre-eliminar hamutuk 53 Direitus Humanus iha 18 Boa governasaun iha 36
Provedor konklui katak Dezenvolvimentu Instituisionál alokasaun orsamentu ba PDHJ iha tinan 2024 ho montante US $ 2, 061,391,391.0. Dezafiu sira foin desentraliza funsaun pagamento ba jestaun orsamentu iha finanças públikas” Hateten Provedor Direitus Humanus e Justiça Virgilio Guteres ba jornalista sira iha sala Bibliteka PDHJ, 24/04 .
