Home Notisia CIJK Simu Pedidu Hosi Email no WA Besik 1001, CIJK: Maioria La...

CIJK Simu Pedidu Hosi Email no WA Besik 1001, CIJK: Maioria La Priense Kriteriu

565
0
ba Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo. [Foto: Zevonia Vieira | 23.03.2021]

Reportazen Zevonia Vieira

Ho situasaun Serka Sanitaria ne’ebe aplika iha Municipio Dili, Baucau no Viqueque, ne’ebe implika movimentu hosi municipio ida ba municipio seluk, tanba razaun atu la hamosu cluster foun ka hadaet virus ba fatin sira seluk.

Nune’e Centro Integradu Jestaun Krize (CIJK) rasik aplika atendimentu via online hanesan email no WhatsApp.

Neon Metin halo konfirmasaun ho Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo liu hosi zoom press conference, loron 23/03 konaba mekanismu ba atendimentu liu hosi online.

Ba Neon Metin Dr. Rui hateten pedidu ba ohin loron ne’ebe tama besik 1001, pedidu sira ne’e maioria la priense kriteriu ne’ebe hateten iha rezolusaun governu nian ne’ebe dehan katak, ema bele husu autorizasaun esepsual atu sai hosi serka sanitaria, bainhira priense kriteria lima.

Kriteriu sira mak hanesan tuir mai ne’e katak tenke priense seguransa publika signifika military no PNTL, saude publika signifika ema ne’ebe serbisu iha area saude, razaun tuir mai katak asistensia umanitaria, signifika ema ne’ebe desloka sai atu fo asistensia umanitaria ba ema, razaun seluk konaba halo manutensau publiku hanesan EDTL, rede bee no Estrada ida ne’e mak bele sirkula.

Dr. Rui afirma katak kriteiru hirak ne’e halo bazea ba interese publiku katak laos sidadaun hotu bele hetan autorizasaun esepsional.

“Sekretariadu Estadu Maior Koordenador nian halo ona esforsu atu buka responde ba pedidu sira ne’e, maibe maioriamente hosi pedidu sira ne’e la priense kriteriu define iha rezolusaun governu nian”, dehan Dr Rui

Iha parte sori Neon Metin hetan informasaun hosi fonte balun ho inisial IV via email, ba Neon Metin esplika katak mekanizmu ne’ebe CIJK estabelese funsiona tebes duni ka lae? funsiona katak tau ba iha asaun ou lae, tanba aplikante sira rasik la hetan responde hosi CIJK, hodi fo fali konfirmasaun ba viajem sira.

Tuir mai kronolojia ne’ebe aplikante informa ba Neon Metin

Iha esperiensia balun husi kolega traballador sira ne’ebe dadaun ne’e hatama pedidu iha Munisipiu (Lautem), iha ne’ebe pedidu ne’e haruka liu husi email ba CIJK, semana ida ho balun ona maibe laiha resposta, sira follow-up husi WhatsApp, sira husu kona ba sira nian karta no prosesu sira seluk hanesan presija test swab ka oinsa?) no resposta husi CIJK katak minimu sira presija hetan karta autorizasaun husi autoridade lokal tanba test iha nivel Munisipiu seidauk iha.

Aplikante hirak ne’e mos hakat ba autoridade munisipiu atu hetan autorizasaun, maibe autoridade husu ba check uluk iha postu saude hodi hetan atestadu mediku ruma, presija hetan asinatura hosi autoridade municipio no CIJK ne’ebe aloka iha municipio sira.

“Afinal reprezentasaun ne’e so reprezenta de’it, desijaun tenki mai fali husi nivel nasional, autoridade iha nivel munisipiu Lautem haruka fali karta pedidu no informasaun ne’ebe sira hetan ona liu husi email no manda mai nivel nasional. Tanba resposta laiha, sira mos follow-up liu husi WA atu hatene prosesu kona ba pedidu ne’ebe sira hatama ba traballador sira nian situasaun ne’e oinsa, no resposta ne’ebe sira hetan husi wa maka, CIJK seidauk hare pedidu ne’e. Traballador sira dehan nune’e, ita nian pedidu rasik ba sira mos dehan la hare, husi fali autoridade rasik mos dehan la hare”, esplika aplikante ba Neon Metin

Aplikante ne’e mos deklara katak CIJK uza mekanizmu hodi halo atendimentu online nune’e evita ema hobur malu, maibe dalabarak prosesu hirak ne’e la tuir mekanizmu ne’ebe mak CIJK determina ona.

Nia husu CIJK atu la haluha nesesidade ema nian no presiza tau iha konsiderasaun.

Print Friendly, PDF & Email

LEAVE A REPLY

Please enter your comment!
Please enter your name here