Reportajen Joselina dos Santos
Governu Austrália Liuhosi Departament of ForeIgn Affairs and Trade (DFAT), apoiu ekipamentus ambulansia OMRON Compressor Nebuliser, AED no Monitor ba Servisu Nasional Ambulansia Emerjénsia Médika (SNAEM, I.P), hodi utiliza atu salva Populsaun nia vida.
Hafoin Seremonia, Diretór SNAEM, I.P Horacio Sarmento hateten, Durante ne’e halo koperasaun mak ohin sira fó apoiu asesoria, mekaniku no apoiu ba dezenvolvimentu planu estratejiku SNAEM, I.P, nomós matadalan pratika klinika nian. Dadaun ne’e ambulansia sira laiha ekipamentu iha laran signifika tula pasiente sira la halo buat ida. Maibé depois ekipamentus sira ne’e matadalan pratika klinika no kondutór mós iha ona.
“Ekipamentus sira ne’e presiza iha ambulansia laran atu pre-hospital ba ita nia komunidade sira antes to’o iha fasilidade saúde sira ne’ebé avansadu. Entaun ohin ita simu ekipamentu sira ne’ebé DFAT sosa hodi apoiu SNAEM, I.P, tanba importante tebes tenke iha duni ambulansia atu bele halo atendimentu hodi salva vida baziku nomós salva vida avansadu,” dehan Diretór SNAEM, I.P, Horacio Sarmento hafoin seremonia, iha Edifisiu SNAEM kaicoli, Segunda 6/11.
Nia dehan, ekipamentus ne’e importante tebes tanba durante ne’e kapasidade orsamentu la sufisiente atu sosa mesak, maibé iha tinan ida ne’e sira hola balun no husu apoiu mos husi DFAT, aleinde iha Díli ambulansia sira iha munisípiu mós pelemenus iha ekipamentu mediku iha ambulansia laran. Tanba durante ne’e ekipamentus iha maibé la kompletu hanesan dadaun ne’e, entaun ekipamentus sira agora ne’e kompleta atendimentu ba komunidade sira-nia vida.
“Ekipamentus sira ne’e kada Eter kuaze 15 mak hanesan ekipamentu ba partus nian, soke Kurasaun, Monitor. Total ambulansia hamutuk 55 no 18 ambualansia ami entrega ona ba patrimoniu estadu tanba ho kondisaun aat, no dadaun ne’e iha deit 25 ambulansia mak halo operasaun iha teritoriu nasional. Aleinde iha nasional iha munisípiu balun ambulansia ida balun rua no balun tolu ne’e la sufisiente karik munisípiu balun loron ida tula pasiente tolu ba leten entaun ita tenke apoiu husi Díli atu evakua fali pasiente sira hodi halo tratamentu, espera iha Orsamentu Jeral 2024 bele aumenta tan ambulansia sira iha munisipiu,” nia esplika.
Iha fatin hanesan, Manager Parseriano Nutrisaun DFAT, Antoninho Pereira, hatutan, Governu Australia iha esperansa boot katak depois entrega ekipamentus ida ne’e SNAEM bele utiliza didiak tuir treinamentu atu bele serbi ba populasaun Timor-Leste. Nia salienta ho ekipamentus ida ne’e fiar ho esperansa bensaun hodi salva ema nia moris, tan ne’e sira kontinua komprimisu transporta ne’ebé iha liuhosi parseiru DFAT espera katak iha futuru diak liutan
