Home Notisia CIJK: Sosializasaun Covid-19 Kontinua Lao, Bras: Iha Aldeia 03 MS Sedauk Mai...

CIJK: Sosializasaun Covid-19 Kontinua Lao, Bras: Iha Aldeia 03 MS Sedauk Mai Halo Sosializasaun

193
0
Poster konaba sosializasaun Covid-19. [Foto: Media Palacio das Sinjas

Reportazen Francisco JDA

Ministeriu Saude hamutuk ho ekipa Centru Integradu Jestaun Krize [CIJK], kontinua halo sosializasau iha bairo sira konaba Covid-19. Relasiona ho kobertura hosi Neon Metin hatudu katak aldeia 03 iha bairo Loro matan, to’o ohin loron Ministeriu Saude sedauk halo sosializasaun, ho nune Xefe Aldeia hamutuk ho komunidade foti inisiativa rasik, hodi fo hanoin sira nia komunidade.

Neon Metin halo konfirmasaun CIJK konaba progresu sosializasaun konaba Covid-19 ba komunidade nia lalaok to’o ona iha ne’ebe? Ba Neon Metin Dr. Sergio hateten

konaba sosializasaun lao nafatin, “ita boot nia pontu ne’e diak, ami aponta informasaun ne’e iha aldea sira ne’ebe mak sedauk hetan sosializasaun, xefe aldeia ka xefe suku bele informa mai 119”, hateten Dr. Sergio.

Iha fatin sorin Neon Mein halo entrevista ho Xefe Aldeia 03, Bairo Lurumata, Suku Fatuhada, Zeferino Bras konaba sosializasaun ba prevensaun covid-19 iha sira nia aldeia. Ba Neon Metin Xefe Aldeia hateten hosi parte Ministeriu Saude to’o agora seidauk mai to’o iha aldeia ne’e, atu halo sosializasaun, konaba virus Corona, oinsa atu prevene no asegura ita nia-an. Ami mak iha inisiativa rasik, hodi halo sosializasaun ba komunidade sira, oinsa atu prevene no asegura-aan.

CIJK kontinua apela ba komunidade sira atu nafatin hela hakmate iha uma, la presiza sai sekarik laiha nesesidade importante, hatoma-an fase liman bebeik ho sabaun, uza maskra bainhira ba fatin publiku, halo distansia fiziku no sosial.

LEAVE A REPLY

Please enter your comment!
Please enter your name here