Home Notisia Prezidente Interinu KI Husu Membru Konselleiru Foun Tane no Serbi Liberdade Imprensa...

Prezidente Interinu KI Husu Membru Konselleiru Foun Tane no Serbi Liberdade Imprensa no Espresaun

375
0
Prezidente Interinu KI, Francisco Belo Simoes. [Foto: Racom Maubisse | 27.01.2023]

Reportajen Santina Lucia da Costa

“Mezmu tinan polítiku no tinan krítiku maibé ita sira jornalista la’os ema polítiku, saida mak ita bele halo mak, halo serbisu ba interese públiku”, Francisco Belo Simoes

Prezidente Interino Konsellu Imprensa (KI), Francisco Belo Simões, iha nia diskursu hateten, Amito Qonusere Araujo   ne’ebé eleitu ba membru Konselleiru iha KI, hodi substitui Prezidente sesante KI, Virgílio da Silva Guterres “Lamukan” la’os reprezenta AJTL de’it, maibé reprezenta Jornalista Timoroan hotu, hodi hamutuk ho membru konselleiru na’in tolu ba tane no serbí Liberdade Imprensa no Liberdade Espresaun.

Francisco hato’o asuntu ne’e iha nia diskursu iha ámbitu enserramentu Konferénsia Asosiasaun Jornalista Timor-Lorosa’e (AJTL), hili kandidatu foun ba Restante Mandatu períodu 2021-2025, iha salaun Delta-Nova, Dili. 

“Amito mai hamutuk ho hau, hau mós hanesan reprezenta jornalista ida ne’ebé nia prosesu eleisaun ne’e Timor-Leste Press Union (TLPU) ba segundu mandatu. Mai ita hamutuk ita tane no serbi de’it mak ba Liberdade Imprensa no Liberdade Espresaun.” Hateten, Prezidente Interino Konsellu Imprensa (KI), Francisco Belo Simões, iha Salaun Delta-Nova, loron, 27/1.

Prezidente Interino KI, enkoraja jornalista sira no media na’in sira, oinsa mak ita hatur independensia editórial no independensia Jornalista sira nian. Iha 2023 ne’e ita dehan tinan krítiku no tinan polítiku ba jornalista no media sira, ita daudaun hakat ba iha fazé kampaña politika, partidu politika sira komesa halo ona sira nia atividade politiku iha bazé, ida ne’e mak sai hanesan dezafiu bo’ot ba ita, atu oinsa mak mantein ita nia  independensia eleitóral no ita nia independensi Jornalista.

Francisco hatutan, mezmu tinan polítiku no tinan krítiku maibé ita sira jornalista la’os ema polítiku, saida mak ita bele halo mak, halo serbisu ba interese públiku, ba interese povu ho obdese de’it ba ita nia kode konduta mak hanesan giaun ida ita bele halo profisaun ho profisional liu tan.

Nia adianta liu tan katak, hahú tersa-feira halo plenaria hanesan Prezidente Interinu sei haruka karta ida ba membru eleitu atu bele marka prezensa hodi simu iha Konsellu Imprensa, depois husi ne’e, ita halo plenaria ida no haruka naran, sei halo eleisaun ba prezidente hodi troka Prezidente sesante, Virgílio da Silva Guterres ba restante mandatu Prezidente Konsellu Imprensa ba tinan 2021-2025. Depois de eleisaun prezidente sei haruka naran ba Parlamentu Nasional atu membru eleitu ho Prezidente eleitu hodi simu tomada de posse iha Parlamentu Nasional.

Prezidente Interinu mos hato’o nia parabéns ba Lirio Fonseca hanesan Fundadór AJTL, ne’ebé ho korajen ho dedikasaun kandidata-an mai iha prosesu hirak ne’e, atu dehan katak, prosesu ne’e laiha ida lakon no laiha ida manan, sé lakon ita mak lakon, sé manan ita mak manan.

Print Friendly, PDF & Email

LEAVE A REPLY

Please enter your comment!
Please enter your name here