Home Justisa José Mate iha Sela PNTL Kaikoli, PDHJ Kontinua Akompaña Kazu Ne’e, Lia...

José Mate iha Sela PNTL Kaikoli, PDHJ Kontinua Akompaña Kazu Ne’e, Lia loos Sei La Mate

1543
0
Provedor Direitu Umanus no Justisa [PDHJ]. Foto: David | 27.01.2028]

Reportajen David da Costa

Relasiona hoJosé Bernardo de Jesus Soares ne’ ebé mate iha sela PNTL Kaikoli iha loron 1 Setembru 2022 iha oras tuku 07:20 kalan família kontinua ezije tanba to’o fulan lima maibé laiha rezultadu, ho ida ne’e Providoriu Direitu Umanu i Justisa (PDHJ), sei kontinua akompaña kazu ne’e, tanba lialoos sei lamate.

Provedor Direitu Umanu no Justisa (PDHJ), Virgílio Da Silva Guterres, hateten, Providória sei kontinua akompaña  kazu ne’ebé-ke akontese hasoru joven ne’ebé mate iha sela detensaun. Maibé Providória laiha kompeténsia atu identifika se maka loos se maka sala, mas Providória  buka hatene tanba nia mate iha sela detensaun.

Sela detensaun ne’e propriedade estadu ninian, entaun estadu tenke assume responsabilidade ida ne’’e, entaun ida ne’e maka providór ninia kompetensia atu halo.

“Atu fó hatene katak ita nia joven Bernardo nia mãe ho alin ida mai hasoru ona ha’u semana hira ba kotuk, inan ne’e fó nia preokupasaun, hanesan provedór, ha’u hateten ba matebian nia inan katak, labele lakon esperansa , kontinua luta, kontinua ko’alia ho se deit,” dehan Provedór Virgílio ba Jornalista sira iha Delta Nova, Sesta 27/01.

Nia haktuir, Provedor kontinua ho nia servisu ida maka kontinua komunika ho entidade ne’ebé kompetente, tanba Providoria nia rezultadu investigasaun haruka tiha ona ba iha entidade kompetente atu prosesa. PDHJ mos halo ona enkontru ho Komandante-Jeral Polisia Nasionál Timor-Leste (PNTL), Faustino da Costa, no hato’o preokupasaun relasiona ho joven ne’ebé mate iha sela detensaun no akontesimentu iha sidade Dili.

“Buat ne’ebé ha’u hamenon ba matebian nia inan maka tenke pasiénsia atu akompaña prosesu ne, atu labele lakon esperansa, tanba lia loos sei la mate. No ha’u hateten ba matebian inan, buat ida ne’ebé ita labele maka atu halo nia moris fila fali, mas atu buka lia loos, ohin ka aban, tinan oin ita tenke buka kontinua loron ida ita sei hetan lia loos,” nia subliña.

Provedór sei akompaña kazu ne’e nia para iha ne’ebé, hanesan providór sei hasoru Ministériu Públiku, Prokuradór Jeral, órgaun sira relevánsia ho kazu ida ne’e, no kontinua hato’o preokupasaun husi Providoria ninia ba responsavel sira.

Print Friendly, PDF & Email

LEAVE A REPLY

Please enter your comment!
Please enter your name here