Home Saude Sidadaun 1 Tama Ilegal Pozitivu COVID-19, Konsege Sae Angguna Iha Maliana

Sidadaun 1 Tama Ilegal Pozitivu COVID-19, Konsege Sae Angguna Iha Maliana

502
0
Koordenador Pilar VII COVID-19, Dr. Nilton do Carmo da Silva. [Foto: David da Costa | 14.02.2021]

Reportazen David da Costa Gusmao

Minsistra Saude (MS) rejista tan ona timoroan ida konfirmadu Positivu COVID-19, liu husi konferensia imprensa Koordenador Pilar VII COVID-19, Dr. Nilton do Carmo da Silva informa ba jornalista katak ohin loron 14 Fevereiru husi Komisaun Nasionál rejista tan kazu konfirmadu pozitivu COVID-19 timor-oan na’in 1, mane ho idade 20 no asimtomátiku no oras ne’e dadauk iha ona sala izolamentu Vera Cruz

Nia esplika iha loron 5 Fevereiru 2021 nia sai husi Timór ba Atambua Indonézia, liu hsi dalan ilegál ho objetivu bá vizita família (Inan-kiik) mate no hela iha nebá durante loron 5, iha loron 10 Fevereiru nia fila husi Atambua mai Timor-Leste nafatin liuhusi dalan ilegál área Tunibibi nian Munisípiu Bobonaro.

Nia haforsa tan I ha Tunubibi nia bá Maliana vila ho motór (ojek) maibé nia la konyese, husi Maliana vila kontinua viájen ba Postu Administrativu Bobonaro ho Angguna (transporte públiku). Iha Angguna laran iha pasajeiru hamutuk ema na’in 11 inklui motorist no ajudante (konjak).

“To’o iha área Suku Lourba, Bobonaro sidadaun ilegál ne’e no mós pasajeiru na’in 4 tun husi angguna kontinua bá to’o iha postu Bobonaro Vila”, nia sublina.

Nia hateten pasiente ilegál ne’e informa katak iha Bobonaro nia hela mesak iha nia uma no la iha família ida hela ho nia. Loron tuir mai komunidade hela iha área ne’e informa ba autoridade lokál no seguransa ho parte vijilánsia munisípiu foti kedas sidadaun ne’e mai eskuadra PNTL Maliana vila hodi halao investigasaun.

“Investigasaun remata iha loron 11 Fevereiru ami nia  ekipa vijilánsia Munisípiu nian, lori sidadadun refere bá iha kuarentena Batu-Gede, ita nia ekipa vijilansia foti Swab teste iha loron 13 Fevereiru no rezultadu positivu relata iha horseik”, dehan Dr. Nilton.

Nia hatuir tan serbísu vijilánsia munisipiu Bobonaro ho autoridade seguransa iha Maliana identifika no hetan ona kondutór angguna ho nia ajudante ida-ne’ebé tula Ilegál positivu COVID-19 no submete ona ba kuarentena Batu-Gede, dadaun ne’e ekipa sei buka tuir (contact tracing) pasajeiru hotu iha angguna refere, iha balu ekipa identifika ona no ekipa kontinua buka tuir nafatin pasajeiru sira.

“Sira ne’ebe kontaktu direra ho pasente, ami nia ekipa vijilansia epidemotologia iha Bobonaro fo informasaun mai ami katak, balun iha ona,  sira halo ona investigasaun maibe balun seidauk no numeru sira la fo klaru mai ami, ami husu ba sira ne’ebe seidauk volontariamente entrega an, kondisaun sira em jeral diak”, dehan Dr. Nilton iha palacio d Cinzas, 14/02.

Entertantu dadus kumulativu sae ba 102, kazu foun aumenta no atual baixa sae ba 40.

Print Friendly, PDF & Email

LEAVE A REPLY

Please enter your comment!
Please enter your name here