Home Notisia Jornada Orsamentu 2021 Sei Foka Ba Empregu no Rekuperasaun Ekonomiku

Jornada Orsamentu 2021 Sei Foka Ba Empregu no Rekuperasaun Ekonomiku

204
0
Primeiru Ministru Taur Matan Ruak, [Foto: Santina Lucia da Costa | 30.07.2020]

Reportazen Santina Lucia da Costa

Primeiru Ministru, Taur Matan Ruak halo enkontru regular ho Prezidente da Republika, Dr. Franscisco Guterres Lu-Olo kona-ba preparativus ba jornada Orsamental ba tinan 2021 nian, sei hahu iha loron tersa 4 Agostu 2020.

“Agora ne’e ami seidauk disidi konaba tetu, se jornada orsamentu sei halo iha loron 4 Agostu 2020, para haree ideia jeral konaba prioridade saida mak ita hili ba 2021, depois konaba tetu orsamental ita boot sira sei hatene kuandu sei desidi”, hateten Taur Matan Ruak ba jornalista sira, hafoin audensia regular ho Prezidente da Republika iha Palasiu Prezidensial, Nicolau Lobato, Aitarak-Laran, loron, 30/7.

Taur dehan Jornada Orsamentu ba tinan 2021, prepara planu rekuperasaun ekonomika no kresimentu, lidera husi ekonomista timoroan Dr. Rui Gomes, sei halo aprezentasaun preliminariu ba membru VIII Governu Konstituisional.

“Sei halo ba iha Jornada Orsamentu fo ideia ida konaba tinan 2021, saida mak ita hanoin atu halo, para depois ita haree ikus ne’e hira, to’o momentu ne’eba ita boot sira sei hatene konaba prioridade saida atu hili no atu investe. Naturalmente fokus ba empregu no rekuperasaun ekonomiku”,  esplika Taur Matan Ruak

Nia akresenta agora informasaun hotu mai husi Banku Mundial no Banku Sentral Timor-Leste, aponta katak ita iha kresimentu negativu, hanesan iha 2017-2018 governu nia esforsu hasa’e kresimentu para hasa’e investimentu.

Xefe governu informa mos ba Prezidente Republika konaba subsidiu ba uma-kain iha ambitu implementasaun estadu emerjensia ninian, ne’ebe konklui tiha ona no agora haree sertifikasaun konaba reklamasoens komunidade sira, tanba seidauk simu transferensia osan husi governu.

LEAVE A REPLY

Please enter your comment!
Please enter your name here