Home Saude Sidadaun Timoroan nain 1 Konfirmadu Pozitivu COVID-19, Nia Viazen Hosi Londres

Sidadaun Timoroan nain 1 Konfirmadu Pozitivu COVID-19, Nia Viazen Hosi Londres

558
0
Koordenador Pilar VII Covid-19 Dr.Nilton do Carmo da Silva. [Foto: David da Costa | 18.02.2021]

Reportazen David da Costa Gusmao

Ministeiru Saude (MS) liu husi Komisaun Nasionál Covid-19 ohin Rejista tan ona sidadaun timoroan nain ida ho idade 28, pasiente ne’e asintomatiku no dadauk ne’e iha ona izolamentu Vera Cruz.

Koordenador Pilar VII Covid-19 Dr.Nilton do Carmo da Silva informa pasiente  refere asintomatik katak la mear, la isin manas no inus been.

Nia informa katak iha loron 4 Fevereiru nia halo viajen hosi Londres, Reinud Unidu ba Doha ho aviaun Qatar Airlines, iha loron 5 Fevereiru hosi Doha ba Malaysia, toba kalan iha Aero Portu Kuala Lumpur, iha loron 6 Fevereiru hosi Malaysia mai Dili

Nia haforsa tan katak sidadaun ne’e hela iha kuarentena Ótel Carla Mension, iha kuarentena ne’e iha pasajeiru hamutuk ema na’in 16.

“Ekipa vijilansia COVID-19 foti Swab teste iha loron 16 Fevereiru no rezultadu Pozitivu relata iha loron 18 Fevereiru no ekipa lori kedas ba iha sala ijolamentu Vera Cruz Dili”, nia subliña.

Entertantu dadus kumulativu t este 20.617,Kumulativu egativu 20.404, hein rezultadu 110, Kumulativu Kazu 103, Kazu Foun aumenta ida, rekupera nain 18,  rekuperadu nain 85, atuál baixa nain 22.

Total kuarentena iha 228 (Dili nain 149, Munisípiu nain 79), auto-kuarentena iha 24 (Dili nain 4, Munisípiu nain 20), passa ona loron 14 total 7965 (Dili nain 6575, Munisípiu nain 1390).

Print Friendly, PDF & Email

LEAVE A REPLY

Please enter your comment!
Please enter your name here