Home Uncategorized KOIKA Kontinua Fo Apoiu Ba SEFOPE, Ba Kapasitasaun Juventude

KOIKA Kontinua Fo Apoiu Ba SEFOPE, Ba Kapasitasaun Juventude

70
0
Sekretáriu Estadu Formasaun Profisionál no Empregu foto hamutuk ho organizasaun KOIKA.[Foto: Jhon Lelobere | 23.07.2018]

Dili – Sekretáriu Estadu Formasaun Profisionál no Empregu [SEFOPE], halo enkontru organizasaun KOIKA. Liu hosi enkontru refere, Sekretáriu Estado, Julião informa ba jornalista sira, katak objetivu hosi reuniaun ida ne’e, hodi koalia liutan konaba koopersaun no apoiu hirak ne’ebe mak organizasaun KOIKA oferese mai governu Timor-Leste, liu-liu iha area kapasitasaun no formasaun ba juventude sira iha Sentru treinamentu ne’ebe SEFOPE akredita tiha ona, nune’e bele maximiza kapasidade juventude sira nian, hodi bele kompete iha merkadu trabalhu.

“KOIKA iha komitmentu ne’ebé boot, hodi kontinua fó nia apoiu hodi reforsa sentru treinamentu sira liu husi SEFOPE, nune’e bele hasa’e liu tan abilidade Juventude sira nia iha area oioin nune’e, Juventude Timor – Leste bele prontu kompete ba kampu traballu nasionál no internasionál”, hateten Julião, 23/07.

Governante ne’e mós promete katak Sentru formasaun sira ne’ebé durante ne’e hatudu boa vontade, Servisu diak, no hatudu inovasaun, Governu liu husi SEFOPE sei esforsu maka’as hodi buka parseiru hodi bele apoia nune’e bele dezenvolve di’ak liu tan.* [Jhon Lelobere |Editor: Zevonia Vieira | NEON METIN | 25.07.2018 ]

LEAVE A REPLY

Please enter your comment!
Please enter your name here