Home Notisia Deputadu Adriano: Programa Governo VIII La Iha Baseline no Sasukat

Deputadu Adriano: Programa Governo VIII La Iha Baseline no Sasukat

159
0

Deputadu Adriano do Nascimento hosi Partido Demokratiku (PD) iha ninia intervensaun politik halo kritika hasoru Premeiru Ministru VIII Governo nian hodi hatete katak programa ne’e la iha baselineno sasukat hodi ikus mai ema bele hatene saida mak atinji ona. PM Taur la fo resposta espesifiku.

Governo VIII ohin (25/07) halo ninia aprezentasaun programa iha uma fuku Parlementu Nasional, hodi hetan apresiasaun hosi Parlementu Nasional. Aprezentasaun Programa ne’ebe halo hosi Premeiru Ministru Taur Matan Ruak esplika kona ba programa sira mak governo sei halo iha tinan 5 nia laran. Aprezentasaun Primeiru Ministru halo iha lian Portugues deit no esplika iha besik oras 2 nia laran.

Hatan ba intervensaun Premeiru Ministru nian, Deputadu PD, Adriano do Nascimento hatete, “hafoin  lee no analiza dokumentu ne’e, hau konklui programa ida ne’e seidauk halo agregasaun tuir Vizasaun, Misaun, Objetivu Jeral, Objetivu Espesifiku ba kada area de dezenvolvimentu, programa, medidas no baseline.”

PM Taur la halo resposta espesifiku ba Deputado Adriano Nascimento nian kritika. Maibe hatan fali katak, ‘obrigado ba Deputado, programa governo nian la ses hosi Planu Estratejiku Nasional no Objetivo Dezenvolvimentu Sustentavel. Objetivo programa governo nian mak kresimentu ekonomiku, kria empregu no reduz kiak 10% iha tinan 5 nia laran.

Tuir agenda plenaria Parlementu Nasional nian, debate apresiasaun ba programa Governo VIII nian sei halo iha loron 3 nia laran.

 

LEAVE A REPLY

Please enter your comment!
Please enter your name here