Reportagen: Juvinal Cabral dos Santos
“Realidade tinan 20 resin ona maluk defisiensia sira nafatin vulneravel liu tan iha situasaun liberdade hanesan ne’e, entaun hatudu katak ita nia estadu liuliu governu planu no programa orsamentu seidauk fo prioridade atu apoiu ba grupu defisiensia sira ne’e”, Mariano Ferreira
Mariano Ferreira hateten tuir lolos ema ho defisiensia ne’e governu tau prioridade haree parte husi sidadaun Timoroan hotu labele haree fali ba parte balun de’it, tanba maluk defisiensia sira barak mak kreativu tebe-tebes tantu ba setor agrikultura setor produtivu selu-seluk
Nia hatutan maluk defisiensia la ezizi governu atu fo osan no tenke fo han sira maibe ezizi tenke kria kondisaun tenke tau orsamentu ne’ebé naton, kria infraestrutura ne’ebé mak asesivel duni tenki iha duni dezenvolvimentu inkluzivu ema hotu partisipa
“Ami ejize katak se ita investe ba edukasaun, saude, agrikultura, no ita investe ba grupu vulneravel sira atu nune’e partisipa tanba dalabarak maluk defisensia sira ne’e hatoo estetmentu katak ami la tane liman tanba ami mos moris hanesan ema baibain, labele haree ba ami defisiensia ne’ebé imi tenke ajuda maibe ami hakarak imi kria kondisaun atu ami servisu avontade livre tuir ida-idak nia abilidade, matenek no skil dehan peskizador Lao Hamutuk ba jornalista Neon Metin iha Fundasaun Haburas Farol Segunda ne’e”
Peskizador observa iha duni problema durante ne’e mak liu-liu infraestrutura, edukasaun, no fatin barak la asesivel ba ema ho defisiensia, halo grupo sira ne’e sai fali numeru segundu iha rai ida ne’e la justu, ne’e mak problema desigualidade tanba ne’e ema tenke hanesan ema hotu partisipa ativu iha atividade saida de’it, estadu mak kria lei politiku ema hotu iha espasu hodi halao nia servisu.
