Reportajen Joanina Casamiro
Be’e Timor-Leste, Empreza Publiku, (BTL,E.P), Asina Kontratu Ho Kompañia Marvil Unipessoal, Lda, Hodi Halo Instalasaun Be’e Moos Ba Komunidade Uma Kain Hamutuk 880 Iha Suku Dukurai, Katrai-Karaik no Haufu, iha Postu Administrativu Letefoho, Munisipiu Ermera ne’e maka gasta osan hamutuk us $ 835,054.69 dolar Amerikanu
Hafoin remata serimonia ne’e, Prezidente BTL, E.P, Carlos Peloi dos Rei, hateten, Be’e Timor-Leste Empreza Públika (BTL, E.P) Asina Kontratu ho kompañia manán-na’in ne’ebé sei implementa Projetu Konstrusaun Sistema Be’e-Moos iha Postu-Administrativu Letefoho, Munisípiu Ermera, Ho Orsanmentu ne’ebé sei gasta ba projetu ne’e us $ 835,054.69 dolar Amerikanu.
“Ohin loron ita Asina kontratu ho kompañia ida ita nia parseiru ida komesa halo servisu melloramentu sistema Be’e mos iha kapital do postu Letefoho nian ne’ebé sei benefisiu ba suku tolu iha Duku Rai, Katarai Krai, ho Haufu ne’ebé sira espera katak depois ohin ita asina kontratu ita nia parseiru kompañia mena nain sira bele mobiliza ona sira nia ekipamentus teknikus sira bara bele halo servisu ho lalais iha terenu”, Dehan Prezidente BTL ba Jornalista sira iha Salaun BTL.EP Kaikoli, Segunda 8/05.
Nia haktuir, servisu ida ne’e sei lori tempu kuaze fulan 6 espera servisu ne’e sei tuir tempu ne’ebé konkorda ona iha kontratu nia laran espera autoridade lokál sira liu-liu ba xefe de postu, xefe suku sira apoiu kompaña Be’e Timor Leste iha terenu bele atende resolve problema sosial sira, problema teknika sira hosi kompania no Be’e Timor-Leste bele atende
“Ba kapital postu Letefoho nian kuaze 1.45 milhões maibé ba projetu ida ohin ita asina ne’e kuaze 880 ital mil tanba ita sei iha tan kompañia rua liu-liu ida ba estalasaun tanki reserve ho kanalizasaun no distribuizaun Projetu ida ohin nia sei halo de’it ba hadi’a tanki iha nia Bee ulun depois tanki ida sira bolu bibiti ne’e kuaze 11 ho tanki distribuisaun nian mós 11 inklui distansia kanalizasaun 17. 5 kilomentrus, entaun ita haree nia kostu ne’e bo’ot tanba ita haree nia distansia besik 18 kilomentru ba de’it transmizasaun de’it”, Nia esplika.
Nia hatutan Projetu ida ne’e sei fo benefisiu ba komunidade sira liu-liu ba uma kain sira kuaze 900 ital uma kain populasaun besik 5300 mil it all, alende ida ne’e sei benefisiu mos ba fatin publiku sira sede suku, sede ofisial kantor postu nian, postu Saúde, Eskola, Igreja, sira ne’e sei hetan benefisiu hotu hosi kompania ida ne’e.
Iha fatin hanesan, Kompañia Marvil Unipessoal, Lda, Delio dos Santos Martins mos agradese bá BTL,E.P, tanba prosesu tenderizasaun ne’ebé fo fiar ba kompania Marvil ne’ebé kompañia sei halo tuir buat ne’ebé kontratu hosi fulan ne’en (6) nian laran. Tanba ne’e nia promete sei ezekuta projetu ne’e tuir tempu ne’ebé mak hatuur ona iha kontratu katak, to’o fulan-nee (6) projetu ne’e tenke konklui.
“Ha’u promete sei ezekuta projetu ne’e tuir nia tempu ne’ebé tau ona iha kontrotadu ne’e kompania sei garantia se hola sasan sira ne’ebé ho kualidade tuir buat ne’ebé hosi BTL fo mai, no sei realiza buat sira ne’e ho di’ak kualidade kompañia sei fó tau garansia ba projetu hirak ne’e iha tinan ida ne’e nia laran iha ne’e projetu barak ona ikus liu ami nia kompaña mak mena kona-ba projetu ida ne’e kompaña mós sente projetu ida ne’e kapas tebes tanba bele ajuda komunidade sira ne’ebé Be’e la iha. Alende ne’e nia mos informa ohin asina ona aban ami bele mobiliza ona teknika sira atu bele ba haree sasan sira ne’ebé atu uza komesa aban hahu servisu ona,”Nia dehan.
