Home Notisia Aban Sinzas Max Stahl To’o Dili, AJTL Enkoraja Jornalista Sira Foti Istória...

Aban Sinzas Max Stahl To’o Dili, AJTL Enkoraja Jornalista Sira Foti Istória Max Stahl Sai Headline News

376
0
AJTL - TLPU Iha konferensia imprensa. [Foto: Adalgisa | 14.12.2021]

Reportajen Adalgisa Pereira

Prezidente Asosiasaun jornalista Timor Lorosa’e (AJTL) husu ba media hotu aban loron 15 Dezembru, saudozu Max Stahl nia sinzas to’o Dili, nune’e istória Max Stahl nian bele sai headline news.

Prezidente AJTL hato’o liafuan ne’e liuhusi konferénsia imprensa ne’ebe organiza husi AJTL ho TLPU, ne’ebe husu ba jornalista sira hotu atu partisipa simu Max Stahl nia sinza iha Aero Portu, no partisipa mos iha atividade balun ne’ebe Komisaun Organizador sira prepara ona.

“Mensagen ba jornalista aban loron importante ba jornalista hotu, espera katak kada media sira bele halo headline news konaba Max Stahl ho ángulu oin-oin, nune’e públiku bele asiste istoria hirak ne’e, konaba Max Stahl nia kontribuisaun ba rai ne’e, ne’ebe luta ba hasoru violasaun direitu umanus ne’ebe akontese iha tempu pasadu”, dehan Prezidente AJTL, Zevonia Vieira, iha museum rezisténsia, 14/12.

Nia hatutan katak saudozu Max Stahl nia  halo serbisu importante  liuhusi mundu jornalizmu, hodi hato’o problema no violasaun direitu umanus ne’ebe akontese iha Timor ba mundu, nune’e ekonraza jornalista sira atu bele foti ángulu importante sira konaba Max Stahl, nune’e sai refleksaun diak ba estadu,jornalista no públiku.

“Espera katak jornalista sira ohin loron bele aprende no banati tuir saudozu Max Stahl  nia ain fatin, liu-liu luta ba liberdade imprensa no espresaun iha Timor, no lalika tauk atu koalia lia los, maibe kontinua kumpri kódigu étika jurnalistiku no kontra disinformasaun”, dehan Zevonia.

Print Friendly, PDF & Email

LEAVE A REPLY

Please enter your comment!
Please enter your name here