Home Notisia PM Xanana: Komfrontu Iha Fátima-Portugal Hatudu Katak Tenke Taka Duni Arte Marsial

PM Xanana: Komfrontu Iha Fátima-Portugal Hatudu Katak Tenke Taka Duni Arte Marsial

1337
0
PM Xanana Gusmão koalia ba jornalista hafoin enkontru ho PR Horta (Foto: Media PR)

Reportajen: Filomena da Conceição

Primeiru-Ministru (PM), Kay Rala Xanana Gusmão,  halo’o  inkontru ho Presidente da Repúblika José Ramos Horta hodi informa mós ba PR relasiona kazu konfrontu entre joven Timor oan ne’ebé akontese iha Fátima-Portugal ne’ebé rezulta joven ida lokon vida no seluk kanek.

Governante ne’e esplika katak parte Governu sei halo apelu ida ba joven Timor-oan sira iha rai liur hodi taka  Grupu artemarsial (GAM) no  Grupu Arte Ritual (GAR) tanba joven sira hanorin malu fali hodi estraga joven seluk nian Vida.

“Apelu ida bá joven sira iha li’ur katak, iha ne’e sira mak hatudu duni katak, ita tenke taka duni. Taka duni arte-marsiál tanba iha ne’e ta’uk karik dehan polísia mós sai tiha ona hosi arte-marsiál, F-FDTL mós sai tiha ona, buat ruma ne’ebé sira kaer, bá oho malu fali iha ema nia rain. Ne’e-duni, ida-ne’e maka ami hanesan informa mós no Prezidente  Repúblika mós hatene kona-bá ida-ne’e,” Xanana Gusmão, hateten bá jornalista sira iha Palásiu Prezidensiál, Kinta (6/06).

“Enkontru ida ohin ha’u informa mos ba Presidente kona-ba saida mak akontese iha Fatima, kona-ba Timor oan sira “, nia haktuir tan.

Nia explika, kazu ne’ebé akontese iha Fátima-Portugal mai husi artemarsias 22 no 77 hodi rejulta joven ida lakon vida no nain lima seluk kanek todan, nune’e kazu refere iha ona polísia Jusidisiariu Portugál

“Ida mate, lima kanek iha hela polisia judisial Portugal nia liman no horseik mos ami hare’e ona katak parte MSSI sei haree mate isin ne’e karik sei lori mai hodi entrega tiha ba familia”, dehan Primeiru Ministru Xanana.

Resolusaun Governo suspende pratika artes marsiais kontinua efetivu hela maibe KRAM mos kontinua halo ninia atividade maske nune’e violensia involve membru organizasaun artes marsiais no artes ritual kontinua akonntese.

Print Friendly, PDF & Email

LEAVE A REPLY

Please enter your comment!
Please enter your name here