Reportajen Agustinha Amaral
Associação Acadêmica Estudantil da Fakuldade de Agricultura (AAE-FAGRI) UNTL, halo konferénsia imprensa hodi esklarese ba públiku relasiona ho liafuan “malandru” ne’ebé sira hakerek iha panfletu ba dosente balu iha Fakuldade Agrikultura, hodi halo Fakuldade foti desizaun la hala’o aula aprendijajen durante loron balu nia laran.
Porta voz, Jesia da Silva Gusmão Ximenes, hato’o sira halo esklaresimentu ba korpus dosente sira iha Fakuldade Agrikultura ne’ebé senti ofendidu ho liafuan “Maladru” hodi prejudika ba dosente sira lakohi fo aula ba estudante sira iha FAGRI durante loron hirak liu-ba nia laran iha Fakuldade Agricultura, ne’ebe ema barak hatene no sai ona topiku ba publiku nian iha media sosial sira.
“Hakarak atu esklarese klaru ba públiku katak, panlitu ho liafuan ‘Assosiasaun Akadêmica Estudantil sei la toleransa dosente malandru iha Fakuldade Agrikultura'”, liafuan ida ne’e iha intensaun atu fo atensaun ba dosente sira hotu iha Faculdade Agrikultura katak labele kria ka halo tan aktus hanesan ne’e, ami asosiasaun rasik iha prinsípiu ida mak interese ba estudante, ami la kolabora ho dosente abandona, tau prejudika ba sira husi ami nia misaun rasik, lakoi fo espasu tan ba dosente sira ho hahalok sira hanesan ne’e ne’ebé akontese iha Departamentu Peskas.” Arlindo Rodrigues, estudante ida hatutan.
Nia dehan, liafuan malandru ba dosente Fakuldade Agrikultura ne’e laloos tanba hanoin sira jeneraliza maibé refere ba dosente balu de’it.
“Liafuan ne’e ofende tebes dosente sira seluk iha Fakuldade Agrikultura maka AAE-FAGRI hato’o deskulpa ba dosente sira seluk iha FAGRI ne’ebé sente ofendidu, espera katak ho AAE-FAGRI nia rekoñese an ne’e, bele hetan perdaun hosi karísimus ba liafuan refere.” Dehan, Evaristo Alvares Cabral ba Jornalista sira Campus Central, UNTL, 14/11.
