Home Notisia UNTL Liuhosi DPCM-FGRI Selebra Loron mundial OCEANO Hodi Limpeza Lixu Tasi Nian

UNTL Liuhosi DPCM-FGRI Selebra Loron mundial OCEANO Hodi Limpeza Lixu Tasi Nian

1142
0
Selebrasaun Loron Mundial Oceano (Foto: Joselina)

Reportajen Joselina dos Santos

Universidade Nasional Timor Lorosa’e (UNTL), liuhosi Departamento Pesca Ciência Marinha, Faculdade Agricultura hamutuk ho estudante Universidade Oriental Timor Lorosa’e (UNITAL) no estudante Universidade da Paz (UNPAZ) selebra loron mundial OCEANU hodi halo  limpeza ba Tasi ninin nomos iha Tasi laran, tanba presiza iha konsiénsia atu labele soe lixu arbiru ho objetivu atu fó hanoin ba ema hotu katak tasi mak pulmaun ba ema iha planeta ne’ebe fó oxigenio.

Iha selerasaun ne’e, Reprezentante Asst. Docente DPCM-UNTL Meilvia A. M. F. Guterres hatete, ohin loron 05 fulan Juñu komemora Loron Mundial Oceano ne’ebé monu iha loron 08 fulan  Juñu, Loron Mundial Oceano kada tinan sempre selebra iha Mundu tomak inklui iha Timor-Leste. Komemorasaun Loron Mundial Oceano (LMO) HUSI UNTL-FAGRI/DPCM hahú iha 2021 to’o ohin loron DPCM-FGRI mak sai komisaun organizadora hodi selebra eventu iha auditório politeknika Hera.

“Komemorasaun ne’e  fó  tempu  atu  fó valor ba ita rasik, tanba Tasi hanesan dalan ba ita hodi halo negósiu Internasionál. Posizaun global no konsumsaun ikan aumenta ekilibriu ho populasaun no ema iha mundu tomak sei aumenta fó impkatu ba populasaun no ikan mos sei menus, tanba ne’e loron mundial Oceano fó aportunidade ba aksaun komunidade no pesoal ida-idak atu kuidadu biota Tasi nian”, dehan reprezentante Asst. Docente DPCM-UNTL Meilvia A. M. F. Guterres iha Ponte BJ Habibie, 05/06.

Timor-Leste hanesan nasaun ne’ebé haleu ho tasi ho medida tasi Timor hamutuk ±77,474 km² (Zona Economico Ezklusivo ‘PEMSEA, 2018) ne’ebé halo komparasaun karik boot liu dala tolu ka dala hat ho rai maran, loron mundial Oceano selebra kada loron 8 fulan  juñu bainhira hahú submete primeiru iha tinan 1992 husi Canada. Lansamentu husi loron mundial Oceano nu’udar selebrasaun ida ne’ebé fó dedikasaun espesial  ba Tasi iha mundu hodi relembra no selebra rezultadu iha Oceano, Tasi hanesan fatin ba ai-han husi Tasi vida mariña iha moris loron-loron.

“Atu fó informasaun ba publika kona-ba impaktu husi ema nia aksaun ba tasi nomos desenvolve mundu nia mudansa husi populasaun  nomos tasi. Atu halo mobilizasaun no akumula populasaun mundu tomak ba jestaun sustentabilidade iha mundu oceano tanba tasi mak sai nudar fatin ba fontes ai-han no aimoruk sira/farmacy no parte importante balun husi biosfera. Ho  komemorasaun Loron Mundial Oceano esperansa katak bele sai xave ba aksaun ho Titulo: “Preserving Our Ocean as Part of Our Lives and Coming Years”, Nia informa.

Iha fatin hanesan, Diretór Departamento Pesca no Ciência Marinha Abilio  da Fonsceca haktuir,  Atividade ohin ne’e hanesan loron mundial objetivu atu konvida estudantes, dosentes no NGO lokal sira atu bele selebra hamutuk emtermus atu tau esforsu hodi bele asegura rikusoin iha tasi laran lihusi limpeza jeral. Katak atu hamoos foer sira iha tasi laran no tasi ninin ne’e fó impaktu direitamente ba riku-soin sira iha tasi laran ne’ebé bele prejudika ita nia seguransa alimentar no ekonomia.

“Atvidade ida ne’e hetan apoiu maka’as husi governu no husi fronteira maritima no hetan apoiu husi gabinete primeiru ministru. Estudates hirak ne’e mai husi departamentu hotu-hotu iha Faculdade Agricultura nomos estudante sira husi UNITAL no UNPAZ atu tau esforsu hamutuk hodi bele halo limpeza jeral iha tasi ibun. Tanba presiza reduz lixu tuir dadus ne’ebé halo no individual atu survei ba iha parte leste no sul”, Nia aumenta.

Lixu maioria mai husi ita nia nasaun viziñu tanba ne’e ita hotu tenke esforsu maka’as hodi kontribui hodi bele halo redusaun iha solidu no likidu. Labele so’e foer arbiru iha tasi laran no tasi ninin,  tenke soe lixu tuir regra sira mak iha atu bele asegura ita nia rikusoin sira iha tasi laran. Entretantu, atividaede lipeza jeral ne’e sei lao duramnte semana rua no remata iha loron 18 fulan ida ne’e.

Print Friendly, PDF & Email

LEAVE A REPLY

Please enter your comment!
Please enter your name here