Home Notisia Konsorsiu AHP Entrega Material Konstrusaun no Ai-han Ba SEPS, Presiza Dezenvolvimentu Inkluzivu

Konsorsiu AHP Entrega Material Konstrusaun no Ai-han Ba SEPS, Presiza Dezenvolvimentu Inkluzivu

226
0
Oxfam entrega material ba responde dezastre naturais ba SEPS. [Foto: Media Oxfam | 13.01.2021]

Reportazen Neon Metin

Seremonia entrega material konstrusaun no ai-han ba Sekretariu Estadu Protesaun Sivil (SEPS) hosi konsorsiu ajensia Australian Humanitarian Partnership (AHP) hanesan Care, Oxfam, World Vision, Caritas Australia no Plan International.

Liu hosi seremonia entrega simbolikamente, Sekretariu Estadu Protesaun Sivil, Juaquim Jose Gusmao dos Reis Martins iha abertura hateten Timor-Leste agora dadauk infrenta hela mudansa klimatik no La nina (udan no anin boot) ne’ebe sei akontese to’o fulan Marsu. Liu hosi seremonia entrega sasan ba responde emerjensia nian, liuliu ba komunidade afetadu sira, nudar serbisu importante ne’ebe SEPS hamutuk ho parseiru sira halo durante tinan naruk nia laran

“Ita serbisu hamutuk hodi responde emerjensia ba akontemensue dezastre naturais, liu-liu ba parseiru sira ne’ebe iha komitmentu hodi apoiu governu liu hosi Sekretariu Estadu Protesaun Sivil a. Iha fulan Dezembru 2020 to’o Janeiru 2021 akontese ona inundasaun lubuk ida iha teritoria toma, liu-liu costa sul akontese udan boot, rai monu no anin boot ka La nina. Ita nia preparasaun lao diak hamuutk ho parseriu sira, hodi responde emerjensia ba dezaste naturais ne’ebe akontese”, hateten Sekretariu Estadu Juaquim iha salaun enkontru SEPS, 12/01.

Tuir Sekretariu Estadu nia observasaun ba fatin sira ne’ebe mosu dezastre naturais, kada tinan sempre akontese iha kada tinan. Nia hateten hosi kondisaun ne’ebe sei akontese nafatin, governu sei esforsu an hodi resolve problema hun, tanba se lae sei akontese bebeik no komunidade sira sei hetan risku hosi dezastre naturais.

“Presiza esforsu makaas  hamuutk ho instituisaun sira seluk hodi buka solusaun. Ita nia komunidade sira ne’ebe laiha konsiensia ne’ebe hakarak kontinua hela fatin sira ne’ebe sempre akontese dezastre naturais, presiza aprosima sira hodi nune’e bele hetan solusaun ne’ebe diak ba sira no sira la afeta ba dezastre hirak ne’e. Identifika fatin sira ne’e no halo analiza ba fatin refere no oinsa bele rezolve problema sira ne’e no hatoo ba governu hodi tau iha planu dezenvolvimentu”, hateten Juaquim

Nia afirma katak diak liu halo prevensaun duke ita hare komunidade sira kontinua sofre ba dezastre naturais ne’ebe akontese bebeik, Ba oin presiza mos tulun in termus teknika, hodi nune bele resolve problema nia hun, laos rezolve deit ho ajudus humanitarian. Banhira ita resolve problema nia hun mak ida ne’e sai hanesan susesu ida ba ita”.

Hanoin hanesan hosi Acting Country Director Oxfam iha Timor-Leste, Annie Sloman hateten relasiona ho visaun Oxfam nian no uza #hashtag Labele Husik Ema Ida Iha Kotuk no presiza suporta dezenvolvimentu inkluzivu (feto no ema ho difisiensia) tanba ne’e mak Oxfam foti parte hosi seremonia entrega material konstrusaun, Oxfam hakarak kontribui ba komunidade ne’ebe afetadu, espesial ba ema vulneravel ne’ebe hetan risku boot liu.

Iha parte sorin Country Director Care International, Peter Goodfellow hateten taba level udan sae iha tinan ida ne’e, iha posibilidade sei akontese inundasaun no rai monu iha teritoriu laran. Ho nune’e Care hakarak suporta esforsu ba preparasaun governu nian liu hosi sasan uma laran nian ka sasan ba nesesidade baziku hodi responde ba emerjensia, liu hosi serbisu hamutuk Embaixada Australia. 

“Ami hatene hosi esperiensia ne’ebe iha katak ema ne’ebe vulneravel liu dalabarak hetan afeta boot liu hosi dezastre naturais. Ami apresia komitmentu hosi governu nian hodi prioritize nesesidade feto, labarik feto, ferik-katuas no ema ho difisiensia iha atividade responde dezastre naturais”, hateten Country Director Care International

National Director World Vision iha Timor-Leste, Migena Shulla mos hatoo katak ne’e nudar honra boot ida, hodi sai parseiru ho governu Timor-Leste, liu-liu SEPS hodi suporta familia afetad hosi dezastre naturais iha Timor-Leste. World Vision suporta sasan ba uma kain hamutk 120 ne’ebe afetadu

Projetu Desastre Prontu ka READY nudar komponente hosi programa AHP ne’ebe finansia hosi governu Australia no implementa hosi konsorsiu AHP nian hanesna Care Internatioal, Caritas Australia, Oxfam, Plan, World Vision no Ra’es Hadomi Timor Oan (RHTO) no parseiru lokal sira seluk

Projetu Disaster READY nudar projetu ne’ebe hahu hosi tinan 2018-2022 no serbisu hamutuk iha SEPS nia okos no halo koordenasaun besik ho Diresaun Nasional Jestaun Risku ba Dezastre, halo aprosimasaun ne’ebe inkluzivu no sustentavel ba preparasaun hasoru no responde dezastre hosi komunidade to nivel nasional.

Projetu Disaster READY ne’e hetan apoiu finanseiru hosi governu Australia, liu hosi Australian Humanitarian Partnership.

LEAVE A REPLY

Please enter your comment!
Please enter your name here