Home Notisia GMPTL: Promove Partisipasaun Feto Hodi Lidera Ba Mudansa Inklusiva

GMPTL: Promove Partisipasaun Feto Hodi Lidera Ba Mudansa Inklusiva

264
0
Prezidente GMPTL, Lidia Martins hatoo deskursu iha PN. [Foto: Copyright Melly Saldanha | 05.11.2020]

Reportazen Zevonia Vieira

Relasiona ho loron nasional Feto 2020, Grupo das Mulheres Parlamentares de Timor- Leste (GMPTL) promove konesimentu no sensibilizasaun ba publiku konaba papel GMPTL nian.

Liu hosi tema  “Promove Partisipasaun Feto, iha Nivel foti Desizaun, hodi lidera ba Mudansa Inklusiva’’ inklui implementasaun Lei kontra Violensia Domestika no desafiu.

Iha diskursu Prezidente GMPTL, Deputada Lidia Martins hateten selebrasaun loron importante ne’e sai eventu neébe inspirador atu promove no sensibiliza konaba feto iha prosesu foti desizaun no hasa’e sensibilizasaun konaba kestaun violensia kontra feto, iha área saúde, edukasaun, sosial no pratika diskriminatoria ne’ebe liga ba instabilidade ka presaun ba feto, liu-liu sira nian limitasaun atu hetan asesu ho livre vontade ba sira nian direitu rasik.

Prezidente GMPTL hateten núdar objetivu integradu no fundamental ida husi GMPTL, iha Plano Estratégiku tinan 5 oin mai mak, atu hasoru feto maluk sira hodi halo dialogo konaba topiku diferente, atu bele rona lian direta no halibur kestaun no sugestaun, hodi bele hatutan ba instituisaun governu no parte interessada relevante neébe iha relasaun, no mos atu bele integra iha planu nasionál no mso proposta lei no politika sira.

Nia hatutan GMPTL uza oportunidade hodi selebra hamutuk ho parseiru, nune’e hodi feto hotu- hotu iha Timor-Leste nian naran, ofisialmente loke komemorasaun Loron Nasional Feto 2020 iha Lospalos.

“Obrigada no Parabéns ba Feto Timor- Leste tomak liu-liu ita hotu nian suporta atu lori Mudansa ba futuru. Mai ita servisu hamutuk atu Promove Partisipasaun Feto, iha Nivel foti Desizaun, hodi lidera ba Mudansa Inklusiva iha Timor-Leste”, tenik Prezidente GMPTL, iha uma fukun Parlamentu Nasional, 05/11.

Prezidente GMPTL hanoin hikas fila fali , hodi fó omenajen ba feto timoroan tomak, ne’ebe ho sira nia luta no esforsu tomak kontribui ba ita nian rai  doben Timor-Leste. Papel ida importante mos mak involvimentu no partisipasaun feto iha prosesu kontrusaun no desenvolvimentu iha nasaun ne’e.

“Ita nian rekonesimentu no apresiasaun boot ba Feto timor oan hotu ne’ebe aten brani no fiar an hodi dezempenha iha konstrusaun Estadu no mos oferese sira nian vontade tomak iha sosiedade no mos sira nian uma laran rasik. Feto mak nudar xave importante iha uma kain, komunidade no nasaun ida”, hateten Deputada Lidia

LEAVE A REPLY

Please enter your comment!
Please enter your name here