Home Notisia F-KOVANA Hatoo Ba PR Konaba Valores no Komunikasaun Ne’ebe Komesa Mihis

F-KOVANA Hatoo Ba PR Konaba Valores no Komunikasaun Ne’ebe Komesa Mihis

349
0
F-KOVANA hasoru malu ho Prezidente Republika. [Foto: Santina Lucia da Costa | 04.09.2020]

Reportazen Santina Lucia da Costa

Forum Komunikasaun ba Valores Nasaun (F-KOVANA) hasoru malu ho Prezidente Republika, Dr. Francisco Guterres Lu-Olo hodi koalia  kona-ba situasaun aktual, haree kona-ba komunikasaun sosial nian no valores nasaun nian.

Ba Jornalista Porta-Voz F-KOVANA, Eladio Antonio Faculto de Jesus iha sorumutu ne’e aprezenta konaba situasaun politika, ekonomia, social no dekadensia etika moras iha pais laran.

“Iha preokupasaun ida kona-ba ita nia komunikasaun iha Timor, loron ba loron komunikasaun komesa mihis dadaun, fraku entaun timoroan koalia ba malu ladun iha dalan, la koalia tuir etika  no moral ne’ebe iha, para ita bele lao tuir, ita atu lakon tiha ita nia komunikasaun ne’ebe di’ak ba malu, atu fo solusaun ba problemas ne’ebe ita nia país ne’e iha”, hateten Eladio iha palacio prezidensia, 04/09.

Eladio dehan Xefe Estadu apresia tebes hanoin sira hosi F-KOVANA oinsa atu kontinua introdus asuntu demokrasia, Liberdade no oinsa timoroan sira koalia ba malu ho diak, hatene halo komunikasaun no entende didiak demokrasia ne’e lao oinsa.

Portavoz ne’e dehan relasiona ho forsa moral no politika, forum nee tenke halo no iha obrigasaun tomak hodi dezenvolve valores sira ne’ebe iha

Iha sorumutu ne’e F-KOVANA mos aprezenta proposta programa ne’ebe sei halo iha futuru, katak sei halo reflesaun nasional ba kobrezensia nasional, ba sosiedade tomak hatene katak, iha luta ba libertasaun ne’e, kuandu Timor-Leste hetan liberdade husi Portugal, demokrasia mai husi Portugal, akontese liberdade ida ne’e halo timoroan sira moruk ba malu no kaer kilat hodi hatudu ba malu.

“Tuir prespektiva forum nian katak, ita nia demokrasia lao di’ak maibe ita nia espresaun sira ne’ebe hato’o fraku, ita komunikasaun ho linguajen ne’ebe la propriadu iha publika, hamonu ita nia etika ho moral”, hateten Eladio.

Eladio esplika forum ne’e koalia komunikasaun, nia iha relasaun ho jurnalizmu, “ami mos atu ajuda jornalista nia papel hotu, tanba jornalista transmite informasoens, nia maka hanesan faktor determinante atu lori komunikasaun ba ema hotu. Entaun, liuhusi media sosial, liuhusi televizaun, nu’udar faktor ida importante, hodi transmite informasoens ne’ebe klaru, informasoens ne’ebe lori intensoens ema nian to’o ema seluk”.

Print Friendly, PDF & Email

LEAVE A REPLY

Please enter your comment!
Please enter your name here