Home Notisia Kazu Lahane, AJAR: Konsidera Lideransa PNTL Falla, Husu Halo Reforma Ba PNTL

Kazu Lahane, AJAR: Konsidera Lideransa PNTL Falla, Husu Halo Reforma Ba PNTL

1575
0

Reportajen David da Costa Gusmao

Kazu membru Polisia tiru mate sidadaun nain 2 no nain ida mate iha Lahane, hamosu reasaun hosi Asia Justice Rights (AJAR) tanba tuir AJARL aktu ne’e nudar violasaun direitus humanus.

Ofisial program AJAR, Inocensio Xavier ba jornalista deklara katak AJAR kondena makaas aktu hosi membru PNTL no presija halo imediatu atu reforma PNLT.

 “Aktu ida ne’e violasaun direitus umanus, tamba polisia nu’udar protetórór ba direitus umanus, katak polisia hala’o nia serbisu hotu-hotu ba prinsípiu direitus umanus, hanesan Konstituisaun RDTL haktuir iha artigu 21 konaba direitu ba moris”, dehan Inocensio ba jornalista sira  Iha edifísiu  Organizasaun Sagrada Familia Fatuhada, Sabadu 05/06.

Nia haktuir situasaun agora la nessesariu atu ajente sira lori kilat ba uma, tanba esperiénsia hatudu ona hanesan iha kazu Kuluhun.

“Atu fó hanoin mos ba Komandante Jerál Polisia nasionál Timor-Leste (PNTL) uluk akontese iha Kuluhun, bandu ona atu ajente sira fila ba uma lori armas, maibé tanba sá mak iha situasaun agora, armas hirak ne’e lori fali ba uma, agora situasaun normal iha de’it mak pandemia COVID-19,” nia dehan.

AJAR husu presija imediatu atu reforma PNTL liu-liu konsidera katak jestaun lideransa PNTL falla “gagal”.

“AJAR konadena makaas aktu ida ne’e, tanba kazu ne’e hatudu katak jestaun husi  lideransa PNTL falla nune’e imediatamente atu halo reforma ba PNTL,” nia lamenta.

Nia fo hanoin mos ba lideransa instituisaun atu iha desizaun no estatutu rigorozu ba membru sira nia aktu ne’e bla merese atu halo.

Iha parte sorin liu hosi konferénsia imprensa Komandante Nasionál  Operasionál Superintendente Xefe, Pedro Belo ba jornalista sira hateten, Komandu rekoñese katak kazu ne’e akontese, nune’e sei uza prosedimentu kriminál no dixiplinár, nune’e Komandante Jeral orienta ona Polísia Nasionál Investigasaun Criminal Sientífiku (PNSIC) no Polisia Sientífiku Investigasaun Criminal (PSIC) hodi halo prosesu inisiál, nune’e sei  entrega ba Ministériu Públiku hodi entrega ba Tribunal, atu bele foti desizaun ba kazu ne’e, maibé  Komando Jeral mós sei uza nia kompeténsia hodi foti desizaun.

Print Friendly, PDF & Email

LEAVE A REPLY

Please enter your comment!
Please enter your name here