Home Saude Ema Minoridade 49,2% La Hetan Bandu Sosa Sigaru, Sancho: Ne’e Sinal Negativu

Ema Minoridade 49,2% La Hetan Bandu Sosa Sigaru, Sancho: Ne’e Sinal Negativu

454
0
Jestor Aliansa Nasional Controlu Tabaku, Sancho Fernandes. [Foto: Francisco JDA | 14.11.2020]

Reportazen Francisco JDA

“Foinsae sira bele asesu fasil ba sigaru, bele sosa sigaru iha loja no kiós ho osan kiik liu 10 centavos mos bele hola produtu ida ne’e, mais ou menus 63% sosa sigarru hosi loja supermerkadu, vendedór ambulante no kios sira, maske sira ho minoridade”. Sancho Fernandes

Aliansa Nasional Controlu Tabaku (ANCT) no Autoridade Ispensaun no Fiskalizasaun ba Atividade Ekonomika Sanitaria (AIFAESA), realiza seminar ho tema Hasae Konnesimentu no Kumpri Lei Tabaku ba Hoteis no Restorante nain sira iha municipiu Dili, ho objetivu atu fo hatete ba restaurante no hoteis sira, atu bandu konsumidor sira fuma tabaku iha fatin refere.

Jestor Aliansa Nasional Controlu Tabaku, Sancho Fernandes iha nia intervensaun hateten katak, prevelejiiu uza tabaku as liu mak nasaun sira ne’ebe foin dezenvolve-an no labarik kiik miliaun 2 kona sigaru suar loron-loron. Prevelejiu uza tabaku iha Timor-Leste hatudu numeru ne’ebe aas, tuir demography survey saúde hatudu iha tinan 2016 diminizasaun ema uza tabaku 70% ,ema uza tabaku 50,7% ba ema ho idade produtivu mak uza tabaku, 69% labarik no feto sira kona sigarru suar loron loron.

Sancho Fernandes dehan peskiza global ba foinsa’e tinan 2019 hatudu labarik ho idade 13-15 uza tabaku aas tebes entre adolocentes 30,9% mak uja tabaku, hosi total ne’e 42% foinsa’e mane mak uza tabaku no 21% feto mak uza tabaku.  Iha estudante 67,67% mak sofre hosi fuma sigarru pasivu, katak ema sira ne’ebe kona sigaru suar loron-loron no 71% mak kona sigaru suar iha fatin públiku sira.

“Foinsae sira bele asesu fasil ba sigaru, bele sosa sigaru iha loja no kiós ho osan kiik liu 10 centavos mos bele hola produtu ida ne’e, mais ou menus 63% sosa sigarru hosi loja supermerkadu, vendedór ambulante no kios sira, maske sira ho minoridade”, dehan Sancho iha salaun F-FDTL Fatuhada, 13/11.

Nia dehan tuir dadus 49,2 % mak la hetan bandu bainhira sosa sigarru, ne’e hatudu sinál negativu kuandu ita la halo intervensaun prevelejia, uza tabaku iha nasaun ne’e sei sae ba beibeik no hatodan liu tan problema saúde.

Nia akresenta tan katak, dadus hosi centro  hospital nasional hatudu tratamentu ba baixa ba moras la hadaet iha tinan ida, liu 30 mill (30 Ribu) hosi númeru ne’e, ema rihun ida mate kada tinan iha nasaun Timor-Leste no ema barak mak difisentes tanba estroke, hipertensaun no atakasaun fuan, katak moras ida daet ne’e oho ema 15% no moras la hadaet oho ema 45%.

 Iha fatin hanesan reprezentante restaurante Sepolije, Elisa Belo  ba Neon Metin hateten restorante Sepolije iha ona regulamentu, katak bainhira konsumidór sira ba sosa hahan, iha regulamentu ne’ebe rigor atu la fuma tabaku iha restaurante laran, sira ne’ebe hakarak fuma ami sei prepara fatin ketak ba sira atu bele fuma sigaru.

“Ami nia restorante ne’e uluk kedas antes loke, ami iha ne’eba hakerek dehan labele fuma, ne’ebe ema atu tama hola sasán ami la autoriza sira fuma,  antes sira atu tama hola sasán tenki hamate sigaru mak foin bele tama laran, se ema tama fuma ami dehan kedas katak restaurante ne’e la autoriza ema fuma iha laran”, hateten Elisa Belo.

LEAVE A REPLY

Please enter your comment!
Please enter your name here