Home Notisia Embaixadora EUA Remata nia Misaun Iha TL, Kathleen: Orgullu Serbisu Ba Timor...

Embaixadora EUA Remata nia Misaun Iha TL, Kathleen: Orgullu Serbisu Ba Timor Iha Area Dezenvolvimentu

367
0
Embaixadora EUA iha Timor-Leste, Kathleen Fitzpartrick. [Foto: Santina Lucia da Costa | 14.11.2020]

Reportazen Santina Lucia da Costa

Embaixadora Estadus Unidus Amerika (EUA) iha Timor-Leste, Kathleen Fitzpartrick, sei remata nia misaun diplomatika iha Timor-Leste. Ho nune’e Embaixadora EUA halo enkontru ofisial ho Prezidente Republika, hodi informa relasaun diplomatika entre nasaun rua no despedida formalmente ho Prezidente Republika, Dr.Francisco Guterres Lu-Olo iha Palasiu Prezidensial Nicolau Lobato, Aitarak-Laran, 13/11.

Ba jornalista sira Embaxadora Estadus Unidus Amerika (EUA) iha Timor-Leste, Kathleen Fitzpartrick, hateten Onra ida halo reuniaun despedida ho Prezidente Republika, Dr.Francisco Guterres Lu-Olo no durante iha enkontru  koalia kona-ba  nia apresiasaun  ba Timor-leste, ba timoroan sira nia istoria, korajen timoroan sira iha luta ba independensia, estabelesimentu nasaun foun no estabelese demokrasia.

“Onra boot bele serbisu iha Timor-Leste hodi kontribui ba hametin relasaun nasaun rua, nu’udar parseiru atu atinji objetivu dezenvolvimentu nasional, orgullu atu serbisu iha Timor-Leste iha area dezenvolvimentu agrikultura, saude, diversifikasaun ekonomiku, seguransa, demokrasia, justisa, defeza no juventude”, hateten Emabaixadora EUA, Kathleen Fitzpartrick.

Kathleen mos kongratula Timor-Leste ne’ebe susesu jere moras Corona virus. Governu Estadus Unidus Amerika hola parte iha prevensaun no kontrolu Covid-19, liuhusi oferese apoiu ba fatin izolasaun no kuarentena no ekipamentus.

Nia afirma katak programa kona-ba Millennium Challenge Corporation (MCC) nafatin badinas, grupu Timor-Leste nian nafatin serbisu ho sira nia ekipa, iha programa organizasaun dezenvolve programa nafatin, “ami espera no fiar katak, ami kontinua koopera ho Timor-Leste, kona-ba bee moos no saneamentu no edukasaun iha Timor-Leste. Relasaun entre EUA ho Timor-Leste kontinua forte, no ekipa EUA nafatin iha ne’e”.

“Hau fo hau nia apresiasaun ba Prezidente Republika nia ospitalidade ba hau, ba timoroan sira nia ospitalidade ho nia kualidade ba hau nia ekipa”, tenik, Kathleen Fitzpartrick.

Print Friendly, PDF & Email

LEAVE A REPLY

Please enter your comment!
Please enter your name here