Home Notisia AMTL Kondena Aktu Violensia Hasoru Mediku Sira no Sei Halo Asaun Pasifika

AMTL Kondena Aktu Violensia Hasoru Mediku Sira no Sei Halo Asaun Pasifika

714
0
AMTL halo konferensia imprensa. [Foto: Franciso JDA | 21.04.2021]

Reportazen Francisco JDA

Relasiona ho insidente agresaun fízika ne’ebé akontese  iha loron 19 Abríl hasoru profesional saúde Dr. Jubelino Cardozu de Jesus nu’udar médiku jerál no médiku Koordenador ba iha kuarentena Polo Suai Covalima.

Liu hosi konferensia imprensa Prezidente Asosiasaun dos Medicos Timor Leste (AMTL), José Dionizio Ximenes informa katak, aktu sira ne’e akontese mós iha pasadu hanesan iha Maubisse Ainaro, Baucau no Hospital Nasionál Guido Valadares (HNGV), maibé AMTL nonok de’it hodi hadia internalmente no foku ba serbisu, maibé tempu ida ne’e laran susar tebes tanba médiku nain rua hetan tan agresaun fízika.

“Biban ne’e ami kritika fortemente kondena no hakribi agresaun fízika, asediu sexual no ameasa hasoru medicos no pesoal saúde durante exerze sira nia profisaun, ezije orgaun soberanu atu garante seguransa no proteje nafatin profesional saúde sira durante hala’o sira nia knaar, tuir sira nia profesaun iha Territóriu Timor-Leste”, dehan Prezidente AMTL, iha sede, AMTL 21/04.

AMTL mós ba polítiku nain sira atu keta kahur serbisu Profesional ho polítika maibé husik Profesional saúde hala’o serbisu tuir siénsia no juramemtu ne’ebé sira halo ona

Porta Voz AMTL José Dionizio Ximenes afirma tan, fo tempu loron tolu ba Ministeriu Saúde (MS) atu públika no prosesu kazu Suai ba dalan legal, no husu deskulpa ba profesionais saúde, karik liu loron ida ne’e sei halo asaun pasifika, hodi ezije direitu protesaun tuir Konvensaun Direitus Humanus no Konstituisaun da Repúblika Democratika Timor-Leste (KRDTL)

Nia dehan enkorja no husu profesional saúde, atu labele lakon espiritu no vontade serbisu hodi serbí komunidade nafatin, hatudu profesionalismo hodi hala’o kna’ar ne’ebé sagradu ba povu Timor-Leste ho imparsialdade, trasnparansia no independente.

Print Friendly, PDF & Email

LEAVE A REPLY

Please enter your comment!
Please enter your name here