Home Notisia Debate OR, TMR: Dezastre Naturais Akontese Fo Lisaun Tenke Organiza-an Diak Liu

Debate OR, TMR: Dezastre Naturais Akontese Fo Lisaun Tenke Organiza-an Diak Liu

504
0
Primeiru Ministru Taur Matan Ruak. [Foto: Copyright Gab.PM | 20.04.2021]

Reportazen Francisco JDA

Ohin Parlamentu Nasionál (PN) halo diskusaun ho governu kona ba Orsamentu Rektifikativu ne’ebé governu aprenzenta tiha ona, ho objetivu atu tulun  ba situasaun Surtu COVID-19 iha Timor-Leste, maibé la espera akontese tan dezastre naturais ne’ebé fó mós afeta makaas ba populasaun sira no balun mate.

Iha diskusaun Orsamentu Rektifikativu (OR) intervensaun Primeiru Ministru (PM), Jose Vasconselhos Taur Matan Ruak hatete katak, situasaun dezastre naturais tinan rua tuir malu, fo lisaun boot ba Timor-Leste, tanba ne’e tenki organiza an di’ak liu no presiza responsabiliza ba aktu hotu ne’ebé lori konsekuensia ba sidadaun no ba nasaun rasik.

“Ita tenki kriminaliza ita nia tekniku sira tantu teknika obras Publikas, Agencia Dezenvolvimentu Nasionál (AND) no ida ne’ebé de’it involve iha konstrusaun infrastrutura ita nia nasaun inklui empresariu sira, sé ita hakarak serbisu ba ita nia an no seriu ba ema seluk, porke ita labele justifika ba dezastre naturais de’it, iha ita nia responsabiliza mós involve iha ne’e, tanba ne’e mak governu preparadu los tuir paracer Komisaun C nia no ami agradese los no presiza apoio Parlamentu Nasionál nian, “hateten Primeiru Ministru Taur Matan Ruak Iha Parlamentu Nasionál, 20/04

Taur Matan Ruak reforsa tan governu labele mesak ba dimensaun hanesan dezastre naturais ne’ebé akontese ema mate no lakon 41.

Iha Fatin hanesan Bankada opozisaun Partidu Congresu Nasionál Rekonstrusaun Timor (CNRT), Carmelita Moniz iha intervensaun hatete katak, fundamentasaun saida mak governu ne’e iha, hanoin hodi tau medidas de implementasaun ida ne’ebé tuir lolos governu nia kompetensia, atu halo  liu hosi dekretu lei, maibé tanba saida mak governu butuk hotu responsavel ne’e ba Parlamentu Nasionál, sera que governu la iha aten brani atu aprova medida implementasaun liu hosi dekretu lei?

“Ha’u husu ita boot sira nia rajaun polítika ne’ebé lakohi asume responsabiliza polítika ba iha medida implementasaun, medida seluk kona ba subsidiu eletrisidade, ita nia populasaun ne’ebé asesu ba eletrisidade foin 80% , oinsá 20% ba populasaun ne’ebé la iha asesu ba eletrisidade,” hateten Depuatada Carmelita Moniz

Print Friendly, PDF & Email

LEAVE A REPLY

Please enter your comment!
Please enter your name here