Home Notisia AMTL: Politiku nain Sira Keta Kahur Serbisu Profesional Ho Politika

AMTL: Politiku nain Sira Keta Kahur Serbisu Profesional Ho Politika

335
0
AMTL halo konferensia imprensa. [Foto: Franciso JDA | 21.04.2021]

Reportazen Francisco JDA

Situasaun ne’ebe professional saude no mediku sira hasoru iha durante propagasaun COVID-19, tanba impaktu hosi numeru kazu konfirmadu COVID-19 ne’ebe kontinua sae lor-loron, liu hosi konferensia imprensa Prezidente Asosiasaun dos Medicos Timor Leste (AMTL), José Dionizio Ximenes deklara katak AMTL husu ba polítiku nain sira, atu keta kahur serbisu Profesional ho polítika maibé husik Profesional saúde hala’o serbisu tuir siénsia no juramemtu ne’ebé sira halo ona.

Nia dehan enkorja no husu profesional saúde, atu labele lakon espiritu no vontade serbisu hodi serbí komunidade nafatin, hatudu profesionalismo hodi hala’o kna’ar ne’ebé sagradu ba povu Timor-Leste ho imparsialdade, trasnparansia no independente

AMTL mos konfesa katak aktu violensia sira mos sempre akontese hasoru ekipa saude sira,  akontese mós iha pasadu hanesan iha Maubisse Ainaro, Baucau no Hospital Nasionál Guido Valadares (HNGV), maibé AMTL nonok de’it hodi hadia internalmente no foku ba serbisu, maibé tempu ida ne’e laran susar tebes tanba médiku nain rua hetan tan agresaun fízika.

“Biban ne’e ami kritika fortemente kondena no hakribi agresaun fízika, asediu sexual no ameasa hasoru medicos no pesoal saúde durante exerze sira nia profisaun, ezije orgaun soberanu atu garante seguransa no proteje nafatin profesional saúde sira durante hala’o sira nia knaar, tuir sira nia profesaun iha Territóriu Timor-Leste”, dehan Prezidente AMTL, iha sede, AMTL 21/04.

Print Friendly, PDF & Email

LEAVE A REPLY

Please enter your comment!
Please enter your name here