Reportajen David da Costa Gusmao
Governu liuhosi reuniaun Konsellu-Ministru, ohin aprova ona projetu Dekretu – Lei kona – ba Informasaun Kadastrál Prediál ne’ebé aprezenta husi Ministru Justisa (MJ), Tiago Amaral Sarmento.
Porta voz governu, Ministru Prezidénsia Konsellu Ministru, Fidelis Manuel Leite Magalhães, dehan,Projeitu Dekretu – Lei Informasaun Kadastrál ida ne’e ninia objetu mak atu aprova rejime jerál ezekusaun, konservasaun, atualizasaun no asesu ba informasaun kadastrál .
Objetivu husi diploma ne’e mak atu fó impuisu relevante ba prosesu levantamentu kadastrál bens imoveis nian , hodi nune’e , tantu Estadu ka sidadaun sira bele uzufrui iha dimensaun sira hotu ne’ebé permite husi Lei , sira – nia patrimóniu imobiliáriu no halo regularizasaun husi sira – nia direitu hamutuk ho instituisaun públika ne’ebé kria ba ida – ne’e .
“Ida ne’e hanesan rekizitu ida importante para ita bele halo implementasaun ba lei rai nian,” hateten Ministru Prezidénsia Konsellu Ministru, Fidelis Manuel Leite Magalhães iha Palásiu Governu, Kuarta 8/06.
