Reportajen David da Costa Gusmao
Komandante Jerál Polisia Nasionál Timor-Leste (PNTL), Komisáriu Faustino Da Costa informa situasaun iha fatin votasaun, iha territóriu nasionál lao diak, no PNTL sei kontinua hala’o vijilánsia mós sei halo nafatin liu-liu komesa ohin bainhira tama ona apuramentu iha sentru votasaun, hanesan mós bainhira lori ona ba iha CNE ne’ebá.
” Agora daudauk ne’e ita haree, ha’u halo vizita ne’e observa aumesmu tempu fó hanoin ba sira ne’ebé iha sentru votasaun no hau akompaña buat hotu ho lao di’ak. Tanba ita tenke aprende ka buka buat hanesan esperiénsia ida akontesimentu sira ne’ebé liu bá pasad,” Dehan Komodante Jeral Polisia Nasionál Timor-Leste (PNTL) Komisariu Faustino Da Costa, ba jornalista sira bainhira ezerse nia diretu de votus iha Eskola EBC Farol, Tersa 19/04.
Nia dehan iha tentativa, dala ruma ema balun dehan iha ameasa sira ne’ebé mai, maibé seguransa tau nafatin no halo vizilansia to’o agora bele dehan situasaun sira kontinua la’o di’ak.
Nia salienta situasaun seguransa iha nivél teritória nasionál prinsipalmente la’o di’ak, soke iha akontesimentu kiik oan balun, iha perturbasaun balun ne’ebé iha Dili laran, Iha Bekora ne’e perturbasaun besik sentru votasaun ninian ne’e akontese hodi kalan oras 09 media hanesan ne’e.
Iha Viqueque tuir loloos la merese akontese ne’e aman ho oan mak problema diskute malu iha sentru votasaun ne’e, mezmu aman ho oan hanoin bele aman ho oan maibé direitu oan ne’e, direitu aman ne’e buat ida. Maibé ho problema sira ne’e tanba lori mós arma branka ne’ebé polísia tenke kaptura arma branka agora iha prosesu nia laran, depois detein parte sira na’in rua sai hanesan autor ba problema ne’e.
“Problema ne’e hau labele ba espesifiku, maibe hau bele dehan akontes arma branak entre aman ho oan iha sentru votasaun Viqueuqe, no agora iha hela prosesu nia laran,” tenik nia
Sitasaun seluk mak liu-liu iha area Covalima ninian, tanba kondisaun estrada udan, entaun karreta lubuk ida ne’ebé atu ba iha sentru votasaun ne’e la fasil. Ho ida polísia tenke apoiu no suporta fila fali depois dada karreta hirak ne’ebé atu kontinua ba sentru votasaun sira, liu-liu Postu Administrativu Fatumea ninian.
Nune’e mós Iha area Manatuto sentru votasaun hira ne’ebé kuaze hodi kalan eletrisidade ne’e mate, maibé depois solusióna ka resolve tiha buat hotu la’o di’ak to’o agora.
