Home Notisia Kazu Lahane, Familia Matebian La Tolera Aktu Membru PNTL, Husu Governu Foti...

Kazu Lahane, Familia Matebian La Tolera Aktu Membru PNTL, Husu Governu Foti Medida

1875
0
Familia matebian kazu Lahane halo konferensia imprensa. [Foto: Francisco JDA | 05.06.2021]

Reportajen Francisco JDA

Kazu membru Polisia tiru mate ema nain 2 no nain ida kanek todan iha Lahane, Aldeia Ainitas Hun, liu hosi konferénsia imprensa ne’ebe halao husi familia matebian Bento Alberto Carlos haktuir katak iha duni problema entre familia matebian nia oan ho membru Polísia nia oan, maibé kazu ne’e rezolvidu tiha ona, maibé ida ne’e hanesan deit deskonfia inisiu, karik husi problema ne’e mak daet, maibé rezolve problema ne’e hetan partisipasaun hosi autoridade lokál joven sira, inklui mós membru família rua, tur hamutuk hodi solusiona ikus mai akontese fali. Nune’e família matebian seidauk hatene loloos motivu seluk hosi kazu ne’e.

Familia matebian lamenta tebes ba asaun ne’ebé membru polísia halo ba komunidade sira, no husu atu revee lei, selae ba futuru kazu sira ne’e kontinua akontese nafatin, no ezije ba governu atu toma medida ba kazu ne’e.

“Membru polísia ne’ebé asaltu Filomeno de Deus ho nia oan Camilo de Deus lamentavel tebes hosi sosiedade Timor-Leste nia hare, tanba PNTL utiliza forsa loloos ne’e atu asegura no proteje ita nia povu hosi risku sira hotu, maibé defaktu PNTL utiliza nia forsa liu hosi meius ne’ebé mak iha, hodi hamate Filomeno de Deus hanesan mós veteranu ida ne’ebé mak uluk luta ba liberta pátria hamonu-an iha risku nia laran maibé oknum polísia sira ne’ebé mak utiliza fali armas ne’ebé iha, hodi hamate fali povu sira,” hateten Bento Alberto Carlos  nu’udar mós porta Voz Movimentu Juventude Estudante Timor Leste, iha Farol Sede CNJTL, Farol, 05/06

Familia matebian kondena tebes membru polísia sira ne’ebé mak halo aktu violentu, husu ba Ministeriu Defeza no Seguransa no Parlamentu Nasionál atu hare didi’ak asuntu ne’e hodi halo asaun imediata labele tolera membru polísia sira hanesan ne’e.

“Membru sira ne’ebé ho karakter brutalizmu iha instituisaun seguransa nia laran, tanba hanoin ne’e kriasaun foun ne’ebé mak atu lori fali instituisaun nia naran ba hafoer, pior liu tan mak nia rasik la interpreta ninia an hanesan ema professional seguransa, maibé sai hanesan fali ema ne’ebé traidór  ba rai no povu ida ne’e.  Ami mós sei mobiliza malu liu tan, hodi halian nafatin ba lian kbiit laek nian membru karaterístika polísia ne’ebé mak daudaun ne’e la’o la tuir dalan lolos”,hateten Bento.

Nia konklui antes mosu dezintendimentu mak iha bairo laran, ho pozisaun hanesan lia nain no joven nafatin partisipa hodi hare, maibé ne’e rezolvidu tiha ona maibé realidade akontese fali iha dadersan ne’e hanoin asaun ne’e ameasadu ba povu.

Print Friendly, PDF & Email

LEAVE A REPLY

Please enter your comment!
Please enter your name here